Fjalori

Rezultate në përkufizime për “nëntitull”

Mëso si ta përdorësh
<<< Kthehu te kërkimi kryesor në fjalor

MBITITULL

MBITITÚLL,~I m. sh. ~J, ~JT Fjali e shkurtër dhe e thjeshtë që vendoset në krye të faqes së një gazete, të një reviste etj. mbi titullin e një artikulli dhe thekson temën mbi të cilën shkruan media; kund. nëntitull. I hedh një sy mbititullit në faqen e gazetës.

NËNSYTH

NËNSÝTH,~I m. sh. ~A, ~AT Nëntitull ose tekst që gjendet nën titullin kryesor për të dhënë njohuri ose mbështetje të mëtejshme për titullin. I shtoi një nënsyth kapitullit.

NËNTITULL

NËNTÍTU/LL,~LLI m. sh. ~J, ~JT Titull i dytë, që vihet nën titullin kryesor të një shkrimi, të një libri etj. për ta shpjeguar a për ta plotësuar, ose që vihet në krye të një nënkapitulli a të një nënndarjeje të një shkrimi; nënçështje. Nëntitulli i librit (i artikullit). Shërben si nëntitull. Ndahet në disa pjesë me nëntituj të veçantë. Ky kapitull ka pesë nëntituj.

SYTH

SYTH,~I m. sh. ~A, ~AT 1. bot. Bulë në majë a në anë të degës së drurit, nga e cila shpërthejnë gjethet dhe rriten bisqe të reja; mugull. Sytha anësorë. Syth i fjetur syth që nuk zhvillohet. Shartojnë me sytha. Nxjerrin sytha pemët në pranverë.
2. Secili lak i vogël që bën filli në rreshtin e diçkaje të thurur me shtiza; syçkë, gojëz e çorapit, e trikos etj.; çdo vrimë e rrjetës së thurur, aty ku bën lak filli, lakth; rreth i vogël që bëhet duke e lakuar litarin për ta shtrënguar, laku i litarit. Bëri dy sytha. I ikën dy sytha. Kapi sythin. Sythat e rrjetës. Sythi i kapistrës (i kapistallit).
3. Ilik në cepin e jakës së xhaketës. Me një lule në syth.
4. Secila nga vrimat e rripit, që shërbejnë për të futur kunjin e tokëzës. Liroi (shtrëngoi) dy sytha të rripit.
5. Vrimë e vogël në derë për të shikuar jashtë që nga brenda pa u dukur. Syth me xham të posaçëm. Shikon nga vrima e sythit.
6. Secila nga dy pjesët e hejbeve. Sythat e hejbeve. Mbushi plot të dy sythat.
7. Sirtar tryeze etj., syzë. E nxori nga sythi.
8. Pjesë e një kapitulli të një vepre, që trajton një çështje të veçantë dhe ka nëntitull të shënuar në anë të faqes së librit; shënim për një çështje të veçantë që botohet zakonisht në gjysmën e shtyllës anësore të një gazete. Është trajtuar në një syth të veçantë.
9. fig. Diçka e rrumbullakët a në trajtë kokrrize që del në sipërfaqe; flluskë e vogël, sumbull, bulë. Sytha gjalpi (lyre).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë