Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
FLETËBIMÓRE,~T f. kryes. sh., bot. (lat. Pteridophytae) Nëngrup bimësh pa lule si fieri, myshku etj. Studionte fletëbimoret.
NËN- fjalëform. Përdoret si parashtesë për formimin e disa foljeve, emrave e mbiemrave që shënojnë: 1. Një veprim që kryhet poshtë diçkaje, p.sh.: nënshkruaj, nënvizoj etj.
2. Një send që gjendet poshtë diçkaje (emër); të qenët poshtë diçkaje (mbiemër), p.sh.: nëntokë, nënshtresë, nënbishte, nënbarkëz, nënçati; nëndetar, i nëndheshëm, nënkalim etj.
3. Një gjendje varësie ose një shkallë me të ulët, p.sh.: nënkryetar, nëndrejtor, nënkomisar, nënkonsull, nënoficer, nëntoger etj.
4. Ndarje në kategori më të imëta; ndarje të një tërësie në pjesë të ndryshme, sipas disa tipareve të caktuara a të përbashkëta, p.sh.: nënçështje, nënndarje, nëndialekt, nënklasë, nëngrup, nënkategori, nënsistem etj.
5. Një vlerësim më të ulët sesa duhet a më poshtë se meritat e dikujt a të diçkaje, p.sh.: nënvlerësoj, nënçmoj etj.
6. Vënie në varësi të dikujt nga një tjetër, p.sh.: nënshtroj, nënshtrim, nënkontraktim.
7. Një veprim me ngjyrim të veçantë kuptimor, p.sh.: nënkuptoj, nënqesh.
NËNGRÚP,~I m. sh. ~E, ~ET Nënndarje e një grupi; një nga pjesët në të cilat është ndarë një grup, nënndarje; grup i qartë brenda një nënndarjeje të një grupi tjetër, përbërësit e të cilit kanë disa cilësi të ndryshme të përbashkëta. Nëngrup i vogël. Nëngrupet e gjakut. mjek. Nëngrup i kampionatit të futbollit. sport. Ndaj në nëngrupe.
NËNGRUPÍM,~I m. sh. ~E, ~ET Renditje, grupim në një nëngrup. Nëngrupimi i produkteve sipas cilësive.
NËNGRUPÚAR (i, e) mb. Që është nëngrupuar, i renditur në një nëngrup. Të nëngrupuar në disa nëngrupe.
NËNNDÁRJ/E,~A f. sh. ~E, ~ET Ndarje më e vogël e njërës nga pjesët, në të cilat është ndarë një tërësi, pjesë përbërëse e diçkaje më të madhe. Nënndarjet kryesore. Nënndarjet e një shkalle (e një njësie). Nënndarjet e një kapitulli. Brenda një grupi kafshësh të gjalla ka nënndarje të tjera. Klasifikimi i nënndarjeve. Nënndarje e parë ek. prodhimi i mjeteve të prodhimit. Nënndarja e dytë ek. prodhimi i sendeve të konsumit.
✱Sin.: lari, ngjyrim, nëngrup, shkallë, shkallëzim, nënklasë, tregues, zë, artikull, degë, degëzim, varietet, rrymë, nënrepart, tip.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë