Fjalori

Rezultate në përkufizime për “nënëgjyshe”

Mëso si ta përdorësh
<<< Kthehu te kërkimi kryesor në fjalor

ANE

ANÉ,~JAI f. sh. ~, ~TË krahin. 1. Nënë, e ëma. Aneja ime.
2. Grua e moshuar me mendime dhe me sjellje të vjetruara, prapanike. Mos e dëgjo anenë, i është ndalur ora.
✱Sin.: gjyshe, loke, nënëgjyshe, nënëloke.

ATËGJYSHE

ATËGJÝSH/E,~JA f. sh. ~E, ~ET vjet. Nënëgjyshe, nënëloke. Atëgjyshja e ndjerë. Sa fisnike ishte atëgjyshja e saj.

GJYSHE

GJYSH/E, ~JA f. sh. ~E, ~ET 1. Nëna e babait ose e nënës. Gjyshe e mbesë.
2. bised. Grua shumë e moshuar kur i drejtohemi me nderim. - Gjyshe, a të ndihmoj me çantën?
✱Sin.: nënëgjyshe, nënëmadhe, nënëdajë, nëno, madhe, nunël.

MËMËLALË

MËMËLÁL/Ë,~A f. sh. ~A, ~AT Gjyshe.
✱Sin.: nënëgjyshe, nënëmadhe, mëmëzonjë, nënëdajë, nëno, madhe, nunël.

MËMËZONJË

MËMËZÓNJ/Ë,~A f. sh. ~A, ~AT 1. Gjyshe. Shkoj te mëmëzonja ime. Kujtoj me dashuri mëmëzonjën.
2. Nëna e nënës, gjyshja vetëm nga ana e nënës, përkundrejt tatëzonjës që është gjyshja nga ana e babait.
3. Zonja e shtëpisë, gruaja e të zotit të shtëpisë, zakonisht gruaja më e moshuar që drejton dhe administron punët e shtëpisë.
✱Sin.: gjyshe, meme, nënëgjyshe, ane, nënëloke, nënëmadhe, nënëdajë, nëno, madhe, nunël, mëmëzote, dade, loke, maje, mëmëlalë, nulë, dajeshë.

NËNËGJYSHE

NËNËGJÝSH/E,~JA f. sh. ~E, ~ET 1. Nëna e babait ose e nënës, gjyshe. Nënëgjyshe, tregoma një përrallë.
2. Nëna e gjyshes, stërgjyshe. Nënëgjyshja qëndronte në krye të sofrës.
✱Sin.: gjyshe, stërgjyshe, nënëmadhe.

NËNËMADHE

NËNËMÁDH/E,~JA f. sh. ~E, ~ET Nënëgjyshe. Nënëmadhen nuk e zinte gjumi nga meraku. Rrëfime rrëqethëse nga nënëmadhja ime.
✱Sin.: gjyshe, nënëgjyshe, stërgjyshe.

NËNËPLAKË

NËNËPLÁK/Ë,~A f. sh. ~A, ~AT Nënëgjyshe, gjyshe. Nënëplaka 100-vjeçare.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë