Fjalori

Rezultate në përkufizime për “nënçmim”

Mëso si ta përdorësh
<<< Kthehu te kërkimi kryesor në fjalor

ARROGANCË

ARROGÁNC/Ë,~A f. sh. ~A, ~AT libr. Sjellje e vrazhdë, e pakulturuar; qëndrim përbuzës e mospërfillës kundrejt të tjerëve, trajtimi i të tjerëve me mendjemadhësi, me nënvlerësim e në mënyrë fyese; mungesa e respektit, mospërfillje për ndjenjat, nevojat ose mendimet e të tjerëve. Arrogancë politike. Flet (sillet) me arrogancë. Arrogancë e paparë. Arroganca e njeriut. Shembujt e arrogancës.
✱Sin.: mendjemadhësi, vrazhdësi, pakulturë, fyerje, nënçmim, përçmim, përbuzje.

ARROGANT

ARROGÁNT,~I m. sh. ~Ë, ~ËT libr. Ai që sillet me përbuzje e nënçmim ndaj të tjerëve, që refuzon mendimet e kritikat e të tjerëve, që shpërfill ndjenjat, nevojat e të tjerëve; ai që ka vetëvlerësim të tepruar. Arrogant në të folur e në veprime. Gjuha e arrogantit. Qëndrim i arrogantit. U tregua arrogant.
✱Sin.: mendjemadh, i vrazhdë, i pakulturë, fyes, nënçmues, përçmues, përbuzës, mospërfillës.

ARROGANTE

ARROGÁNT/E,~JA f. sh. ~E, ~ET Ajo që sillet me përbuzje e nënçmim ndaj të tjerëve, që refuzon mendimet e kritikat e të tjerëve, që shpërfill ndjenjat e nevojat e të tjerëve; ajo që ka vetëvlerësim të tepruar. Është arrogante. Arrogante në bisedë. Foli si arrogante. U karakterizuan si arrogante.
✱Sin.: mendjemadhe, e vrazhdë, e pakulturë, fyese, nënçmuese, përçmuese, përbuzëse, mospërfillëse.

NËNVLERËSIM

NËNVLERËSÍM,~I m. Veprimi kur nënvlerësoj apo kur nënvlerësohet dikush a diçka; kund. mbivlerësim. Nënvlerësimi i armikut (i kundërshtarit, i rrezikut). Nënvlerësimi i rolit të bletëve. Vihet re një farë nënvlerësimi për figurën e tij. Marrëveshje e parë me nënvlerësim. Foli me nënvlerësim për të.
✱Sin.: nënvleftësim, nënçmim, mbasdore, shpërfillje.

VETËNËNÇMIM

VETËNËNÇMÍM,~I m., libr. Nënçmim i vetvetes, nënvlerësim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë