Fjalori

Rezultate në përkufizime për “nënçati”

Mëso si ta përdorësh
<<< Kthehu te kërkimi kryesor në fjalor

NËN-

NËN- fjalëform. Përdoret si parashtesë për formimin e disa foljeve, emrave e mbiemrave që shënojnë: 1. Një veprim që kryhet poshtë diçkaje, p.sh.: nënshkruaj, nënvizoj etj.
2. Një send që gjendet poshtë diçkaje (emër); të qenët poshtë diçkaje (mbiemër), p.sh.: nëntokë, nënshtresë, nënbishte, nënbarkëz, nënçati; nëndetar, i nëndheshëm, nënkalim etj.
3. Një gjendje varësie ose një shkallë me të ulët, p.sh.: nënkryetar, nëndrejtor, nënkomisar, nënkonsull, nënoficer, nëntoger etj.
4. Ndarje në kategori më të imëta; ndarje të një tërësie në pjesë të ndryshme, sipas disa tipareve të caktuara a të përbashkëta, p.sh.: nënçështje, nënndarje, nëndialekt, nënklasë, nëngrup, nënkategori, nënsistem etj.
5. Një vlerësim më të ulët sesa duhet a më poshtë se meritat e dikujt a të diçkaje, p.sh.: nënvlerësoj, nënçmoj etj.
6. Vënie në varësi të dikujt nga një tjetër, p.sh.: nënshtroj, nënshtrim, nënkontraktim.
7. Një veprim me ngjyrim të veçantë kuptimor, p.sh.: nënkuptoj, nënqesh.

NËNMBULOJË

NËNMBULÓJ/Ë,~A f. sh. ~A, ~AT Nënçati. Nëmbulojë e rikonstruktuar.

NËNÇATI

NËNÇATÍ,~A f. sh. ~, ~TË Pjesa e brendshme e një çatie të pjerrët; dhomë e vogël e rregulluar nën kulmin e një çatie, që merr dritë nga një baxhë, papafingo; kund. mbiçati. Nënçati e ngushtë. Baxha e nënçatisë. Banonte në një nënçati.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë