Fjalori

Rezultate në përkufizime për “nënçështje”

Mëso si ta përdorësh
<<< Kthehu te kërkimi kryesor në fjalor

ALINE

ALINÉ,~JA f. sh. ~, ~TË 1. libr. Ndarje e veçantë brenda një teksti ose një shkrimi, paragraf. Tekst i strukturuar në disa aline.
2. Njësi e veçantë tekstore që fillon në rresht të ri, me shkronjë të madhe, që lidhet me një ide etj. Aline e rëndësishme. Ishte e panevojshme ajo aline. Në faqen e parë, alineja e parë zëvendësohet me të dytën.
3. drejt. Dispozitë e veçantë tekstore e një neni, e një paragrafi ose e një norme juridike; ndarje e një neni ligjor. Në mbështetje të alinesë paraprake... Sipas alinesë së parë të nenit 2 të përshkrimit ligjor sanksionohen të drejtat tua mbi këtë pronë. Lexo alinenë e parë. Alineja e dytë kundërshton alinenë e tretë.
✱Sin.: kryerresht, paragraf, pasus, fragment, ndarje, pjesë, pikë, nënçështje.

NËN-

NËN- fjalëform. Përdoret si parashtesë për formimin e disa foljeve, emrave e mbiemrave që shënojnë: 1. Një veprim që kryhet poshtë diçkaje, p.sh.: nënshkruaj, nënvizoj etj.
2. Një send që gjendet poshtë diçkaje (emër); të qenët poshtë diçkaje (mbiemër), p.sh.: nëntokë, nënshtresë, nënbishte, nënbarkëz, nënçati; nëndetar, i nëndheshëm, nënkalim etj.
3. Një gjendje varësie ose një shkallë me të ulët, p.sh.: nënkryetar, nëndrejtor, nënkomisar, nënkonsull, nënoficer, nëntoger etj.
4. Ndarje në kategori më të imëta; ndarje të një tërësie në pjesë të ndryshme, sipas disa tipareve të caktuara a të përbashkëta, p.sh.: nënçështje, nënndarje, nëndialekt, nënklasë, nëngrup, nënkategori, nënsistem etj.
5. Një vlerësim më të ulët sesa duhet a më poshtë se meritat e dikujt a të diçkaje, p.sh.: nënvlerësoj, nënçmoj etj.
6. Vënie në varësi të dikujt nga një tjetër, p.sh.: nënshtroj, nënshtrim, nënkontraktim.
7. Një veprim me ngjyrim të veçantë kuptimor, p.sh.: nënkuptoj, nënqesh.

NËNTITULL

NËNTÍTU/LL,~LLI m. sh. ~J, ~JT Titull i dytë, që vihet nën titullin kryesor të një shkrimi, të një libri etj. për ta shpjeguar a për ta plotësuar, ose që vihet në krye të një nënkapitulli a të një nënndarjeje të një shkrimi; nënçështje. Nëntitulli i librit (i artikullit). Shërben si nëntitull. Ndahet në disa pjesë me nëntituj të veçantë. Ky kapitull ka pesë nëntituj.

NËNÇËSHTJE

NËNÇË́SHTJ/E,~A f. sh. ~E, ~ET Çështje dytësore, çështje e varur nga çështja kryesore. Kapitulli dy ka tri nënçështje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë