Fjalori

Rezultate në përkufizime për “mutacion”

Mëso si ta përdorësh
<<< Kthehu te kërkimi kryesor në fjalor

MELANIZËM

MELANÍZ/ЁM,~MI m. Ngjyrë e errët e lëkurës, e flokëve, e gëzofit, e pendëve, e luspave etj., si rezultat i përqendrimit të melaninës; zhvillimi i një pigmenti me ngjyrë të errët; kund. albinizëm. Melanizmi është një mutacion gjerësish i njohur në mbretërinë e kafshëve.

MUTACION

MUTACIÓN,~I m. sh. ~E, ~ET 1. biol. Ndryshim i menjëhershëm dhe i papritur në strukturën gjenetike (të kromozomeve a të gjeneve) të një organizmi (të një njeriu, të një kafshe, të një bime, të një virusi etj.) që e bën atë ndryshe nga organizmat e tjerë të të njëjtit lloj. Mutacion gjenetik ndryshim i përhershëm që ndodh në materialit gjenetik (ADN) të një qelize, si shkak i gabimeve të kopjimit të tij gjatë ndarjes qelizore ose nga ekspozimi ndaj rrezatimit, kimikateve a viruseve. Mutacion artificial mutacion i shkaktuar nga faktorë të diktuar nga njeriu (p.sh., nga përdorimi i lëndëve kimike, i rrezatimit jonizues, i rrezatimit ultraviolet etj.). Mutacion natyror mutacion i shkaktuar nga faktorë natyrorë (p.sh., temperatura, rrezatimi etj.). Mutacion pikësor mutacion që ndodh brenda një gjeni në një nukleotid. Mutacion spontan transmutacion. Mutacion i vetvetishëm ndryshim gjenetik në ADN që ndodh në mungesë të mutagjenëve. Ritëm mutacionesh përqindja e mutacioneve që ndodhin në varësi të faktorëve që sjellin ndryshime.
2. Ndryshim në formë a në cilësi. Pa dashje, emrin Armir dikush e bëri Ajmir dhe mutacioni u pranua. Partia kishte pësuar mutacione.

MUTAGJEN

MUTAGJÉN,~I m. sh. ~E, ~ET Faktor ose agjent (një kimikat, rrezet ultravjollcë, rrezet radioaktive, energjia bërthamore etj.) që shkakton mutacion, pra ndryshim në ADN-në e një qelize. Mutagjen fizik. Mutagjene kimike.

MUTON

MUTÓN,~I m. sh. ~E, ~ET Pjesa ose njësia më e vogël e ADN-së ku mund të ndodhë një mutacion, njësia më e vogël e trashëgimisë që shkakton mutacion kur ndryshohet.

NËNLINJË

NËNLÍNJ/Ë,~A f. sh. ~A, ~AT Nënndarje e një linje virusi a diçkaje tjetër. Një nënlinjë e variantit Delta tani klasifikohet si “shqetësuese” nga Organizata Botërore e Shëndetësisë. Kjo nënlinjë e virusit bart mutacion shtesë. Për çdo linjë e nënlinjë janë përcaktuar objektivat.

SELEKSIONUESHËM

SELEKSIONÚESH/ËM (i),~ME (e) mb. Që mund të seleksionohet. Këtu mund të ketë artikuj të seleksionueshëm. Një mutacion i seleksionueshëm.
✱Sin.: i zgjedhshëm, i përzgjedhshëm, i kualifikueshëm.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë