Fjalori

Rezultate në përkufizime për “mustaqemadh”

Mëso si ta përdorësh
<<< Kthehu te kërkimi kryesor në fjalor

DERVISH

DERVÍSH,~II m. sh. ~Ë, ~ËT [DERVÍSH,~II m. sh. ~LÉRË, ~LÉRËT]1. fet. Murg i sektit bektashian, që jeton e kryen shërbime fetare në një teqe. Si xhybja (si mjekra) e dervishit. Është bërë si dervish (shaka.) nuk është rruar e nuk është qethur prej kohësh, i është rritur mjekra shumë. Marifeti është të bësh xhaminë, pa dervishë gjen sa të duash. (fj. u.). S’ka kësmet dervishi të hajë lepur. (fj. u.).
2. bot. (lat. Phallus impudicus) Lloj kërpudhe me këmbë të gjatë e me kësulë të bardhë.
3. zool. (lat. Alauda cristata) Çafkëlore; laureshë. Fluturonin dervishët.
4. bot. (lat. Typha latifolia) Bimë shumëvjeçare e moçaleve dhe e ligatinave në vise me klimë të butë të gjysmësferës veriore, me kërcell deri një metër e gjysmë të lartë, me kalli të madh bojëkafe si kapuç dhe me një zgjatim si bisht në majë; kallam kënete.
5. Lloj misri me shumë mustaqe në kalli, misër mustaqemadh.

MUSTAKOÇ

MUSTAKÓÇ mb. m. 1. Që ka mustaqe të trasha e të dendura, mustaqemadh. Burrë mustakoç.
2. si em. m. Ai që ka mustaqe të trasha e të dendura. Iu afrua një mustakoç.

MUSTAQEMADH

MUSTAQEMÁDH mb. m. 1. Që i ka mustaqet të mëdha, mustakoç. I sapoardhuri ishte një burrë mustaqemadh.
2. si em. ~I m. sh. ~MËDHÉNJ, ~MËDHÉNJTË Burrë që i ka mustaqet të mëdha.

VETULLABASHKË

VETULLABÁSHKË mb. 1. Që i ka vetullat të trasha e të gjata, me vetulla si bashkë, vetullan, vetullkalesh. Burrë vetullabashkë.
2. fig. Që ka një pamje të rëndë, që është hijerëndë dhe që rri me të madh. Ishte mustaqepandël (mustaqemadh) e vetullabashkë.
✱Sin.: vetulltrashë, vetullan, vetullosh, vetullash, vetullor, vetullkalesh.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë