Fjalori

Rezultate në përkufizime për “mug”

Mëso si ta përdorësh
<<< Kthehu te kërkimi kryesor në fjalor

MUG

MU/G,~GU m. sh. ~GJE, ~GJET Gjysmerrësira pas perëndimit të diellit ose pak përpara lindjes së tij, gjysmerrësirë e mbrëmjes ose e agimit; koha kur zë e ngryset ose kur zë e gdhin; muzg; vagëllimë. Mugu i natës (i mbrëmjes). Mugu po dendësohej. Erdhi (u nis) në mug.
✱Sin.: gjysmerrësirë, muzg, mugëllim, mugëlltirë, mugësi, vagëllimë.

MUGË

MÚG/Ë,~AI f. 1. Mug, muzg. Anë e mbanë mjegull e mugë. Ra muga.
2. Ndriçimi jo i plotë i një sipërfaqeje, gjysmëhije; kufiri ku drita përzihet me pjesët e errëta (në pikturë).

MUGËTIRË

MUGËTÍR/Ë,~A f. 1. Dritë e dobët shpërndarë nga qielli fill pas perëndimit të diellit ose pak përpara lindjes së tij, gjysmerrësira e mbrëmjes ose e agimit, mug; koha kur zë e gdhin ose kur zë e ngryset, muzg; buzëmbrëmje ose buzë mëngjesit. Ishte ende mugëtirë. Drita e asaj mugëtire ishte e pakët për të dalluar orenditë. Vjen mugëtira e mbrëmjes (e natës, e mëngjesit). Ra mugëtira. Mugëtira po dendësohej. U bë mugëtirë u ngrys, u err. U nis që me (në) mugëtirë. Ndaj mugëtirës u largua.
2. Të qenët i pandriçuar mirë, gjendje me ndriçim të zbehtë, gjysmerrësirë. Hëna matanë maleve u bë mugëtirë. Nuk ia shihja dot fytyrën në mugëtirën e pyllit (e dhomës, e kabinës). Në mugëtirën e asaj dite (e asaj shtrëngate).
3. fig. Gjendje e paqartë a e turbullt, mjegulli; njohja jo e mirë a jo e plotë e diçkaje, dije e pamjaftueshme, paqartësi. Në mugëtirën e shekujve. Ishte në mugëtirë e s’dinte si të bënte. I mbuluar nga mugëtira mijëvjeçare.
✱Sin.: gjysmerrësirë, mug, muzg, buzëmbrëmje, paqartësi.

NGRYSJE

NGRÝSJ/E,~A f. 1. Koha fill pas perëndimit të diellit; fillimi i natës; muzgu i mbrëmjes. Në ngrysje. Na zuri ngrysja. Ngrysja e ditës.
2. fig. Marrja e një pamjeje serioze e të vrenjtur. Ngrysja e vetullave.
✱Sin.: vrenjtje, errësim, errje, muzg, shtyrje, mugë, mug, zymtim, zymtësi.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë