Fjalori

Rezultate në përkufizime për “mshel”

Mëso si ta përdorësh
<<< Kthehu te kërkimi kryesor në fjalor

MSHEL

MSHEL vep., ~A, ~UR kal. 1. Mbyll; kund. hap, çel. Mshel derën (dritaren). E ka mshelur shtëpinë me dry. I msheli pulat në kotec. Ma keni mshelur derën e shtëpisë (edhe fig., nuk më pranoni më në shtëpi). E kam mshelur llogarinë bankare. I msheli sytë (edhe fig., i mbylli sytë, vdiq).

2. Mbyll me kyç a me çelës, kyç. E kam mshelur derën me çelës.

3. Mbuloj (me dhe, me kapak etj.) E mshelën varrin.

4. E fus në burg, e mbyll në izolim; kund. nxjerr; liroj. U munduan t'i mshilnin në burg.

5. entogr. Mbyllem brenda banesës dhe nuk dal për një kohë të caktuar, ngujohem, ndryhem.

6. I jap fund; nuk e vazhdoj më; e përfundoj, e mbyll; kund. hap, çel. Ti e di çfarë gabimi ke bërë, por unë dua ta mshel. E msheli debatin. E mshelën projektin. E mshelëm edhe këtë vit. Mshele gojën e mos llomotit kot! (fig.) mos vazhdo të flasësh, mbylle gojën.

7. fig. Mbyll mendjen a zemrën; kund. hap, çel. E msheli zemrën dhe nuk dashuroi më.

MSHILEM

►MSHÍLEM jovep., MSHÉLA (u), MSHÉLUR

1. etnogr., vetv. Ngujohem, ndryhem. U mshel prej hasmërisë.

2. fig., vetv. Mbyllem në vetvete. U mshel djali, nuk e dimë çfarë ka.

3. pës., vet. v. III e MSHEL. U mshel dera. U mshel një projekt i madh. U mshelën dyert e bashkëpunimit. Ventilator që mshilet. U mshel firma (kompania).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë