Fjalori

Rezultate në përkufizime për “mrrolshëm”

Mëso si ta përdorësh
<<< Kthehu te kërkimi kryesor në fjalor

MRROLSHËM

MRRÓLSH/ËM (i), ~ME (e) mb. Që ka rrudhur fytyrën (nga pakënaqësia, nga dyshimi etj.), që ka fytyrë të vrenjtur, i zymtë. Ishte kaq i mrrolshëm. Kështu, i mrrolshëm, nuk flet asgjë.
✱Sin.: i vrenjtur, i zymtë, i ngrysur, fytyrëngrysur, vetullngrysur, ballëngrysur, i murrëtyer, i ngrysët, i mugët, ballëvrenjtur, fytyrëvrenjtur, ballënxirë.

MRROLSHËM

MRRÓLSHËM ndajf. Me fytyrë të vrenjtur, me pamje të zymtë; zymtë. Mrrolshëm e drejtoi gishtin nga kasaforta. U përgjigj mrrolshëm. Rrinte mrrolshëm. E këqyri (vështroi) mrrolshëm. Qeshu pak se nuk të shoh dot mrrolshëm! Mos e fillo javën mrrolshëm!
✱Sin.: vrenjtur, zymtë, ngrysur, vetullngrysur.

VRANCAN

VRANCÁN,~E mb. Që rri i mrrolshëm, i vrenjtur në fytyrë, i zymtë. Njeri vrancan. Me fytyrë vrancane. Është vrancan, s’qesh kurrë.

VRANCAN

VRANCÁN,~I m. sh. ~Ë, ~ËT Ai që rri i mrrolshëm, i vrenjtur në fytyrë, i zymtë. Ai vrancani është çehresuz i madh.

VRANSHËM

VRANSHËM ndajf. 1. Me vranësira, vrenjtur, vranët. Sot është vranshëm (koha, moti).
2. fig. Me fytyrë të vrenjtur, mrrolshëm, fytyrëngrysur. Na hodhi një vështrim vranshëm dhe u largua menjëherë. Rrinte vranshëm. Pse po rri vranshëm? Pse po na sheh vranshëm? Na foli vranshëm. Ia lëshoi sytë vranshëm.
✱Sin.: vrenjtur, mrrolshëm, mazujshëm, murgshëm.

VRANËT

VRÁNËT ndajf. 1. Me mot të vranët, vranshëm, vrenjtur. Koha ishte vranët. Sot është vranët.
2. Përdoret për të shprehur gjendjen e dikujt; me fytyrë të vrenjtur të ngrysur, të zymtë, mrrolshëm. Ai erdhi vranët. Ai rri vranët. Me fytyrë vranët.
✱Sin.: vrenjtur, ngrysur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë