Fjalori

Rezultate në përkufizime për “mrekullohem”

Mëso si ta përdorësh
<<< Kthehu te kërkimi kryesor në fjalor

ADMIROJ

ADMIR/ÓJ vep., ~ÓVA, ~ÚAR libr., kal. Shpreh pëlqim ose vlerësim për dikë a diçka; dua a pëlqej dikë a diçka fuqishëm; shikoj dikë a diçka të bukur e tërheqëse me ëndje të madhe e me habi; vlerësoj lart pamjen, veprat, qëndrimet e vetitë të dikujt; nderoj dikë a diçka, i jap rëndësi dikujt a diçkaje. Admiroj bukurinë (guximin, qëndrimin) e dikujt. Admirojnë artin pamor. Admiroj pranverën. Asokohe admiroja natyrën.
✱Sin.: dua, adhuroj, pëlqej, vlerësoj, nderoj, mahnitem, mrekullohem.

MAGJEPSEM

►MAGJÉPS/EM jovep., ~A (u), ~UR 1. vetv. Jam nën efektin e magjisë; kund. çmagjepsem.
2. vetv. Tërhiqem shumë pas dikujt a pas diçkaje, mbetem pa mend; mahnitem, mrekullohem.
3. pës. e MAGJÉPS. Ai ishte magjepsur nga dashuria.
✱Sin.: tërhiqem, mahnitem, mrekullohem.

MAHNITEM

►MAHNÍT/EM jovep., ~A (u), ~UR 1. vetv. Habitem shumë dhe kënaqem nga diçka e bukur apo e jashtëzakonshme, etj.; mbetem me gojë hapur. U mahnitën kur mësuan historinë e atij vendi.
2. pës. e MAHNÍT. U mahnitën nga zëri i tij.
✱Sin.: habitem, çuditem, mrekullohem, magjepsem.

PËRBINDEM

►PËRBÍND/EM jovep., ~A (u), ~UR vetv. Bindem sa habitem; mrekullohem; bindem. E vërente duke u përbindur.

ÇUDITEM

►ÇUDÍT/EM jovep., ~A (u), ~UR 1. vetv. Më vjen çudi, nuk e besoj diçka; habitem. Çuditem me të. U çudita fort (tepër). U çudita kur e pashë. S’ka gjë për t’u çuditur. Çuditem si nuk e kuptoni këtë. Nuk është për t’u çuditur që... U çudita me egërsinë e zërit tim.
2. vetv. Mbetem pa fjalë përpara diçkaje të jashtëzakonshme ose shumë të mirë, mahnitem. U çudit gjithë bota (fshati...). Çuditem se si orientohesh në këtë tymnajë. Të gjithë çuditeshin me shqiponjën.
♦ Nuk është për t’u çuditur edhe mund të ndodhë, ka të ngjarë, s’është e pamundshme, mos u çudit po ngjau; s’është çudi.
✱Sin.: habitem, mahnitem, shtangem, mrekullohem, magjepsem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë