Fjalori

Rezultate në përkufizime për “mrekullisht”

Mëso si ta përdorësh
<<< Kthehu te kërkimi kryesor në fjalor

BUKUR

BÚKUR ndajf. 1. Në mënyrë të pëlqyeshme a të këndshme; me bukuri, hijshëm; kund. shëmtuar. Mirë e bukur. Vishet bukur. I rri bukur. Kërcen (luan) bukur. Shkruan (vizaton) bukur. Këndon bukur. I bie bukur (një vegle muzikore). Tingëllon bukur. Flet (lexon) bukur.
2. Shumë mirë, ashtu si duhet, mjaftueshëm. Ia punoi bukur. - Bukur e bëre!
3. bised., iron. Shumë keq, jo ashtu si duhet (përdoret me kuptim të kundërt nga ai që ka zakonisht kjo fjalë). Bukur, besa!
4. bised. Aq sa duhet, aq sa mjafton; shumë, mjaft, fort. Bukur i madh. Bukur i lartë. Bukur mirë. Bukur larg. Bukur thellë. Bukur vonë. I foli bukur rëndë. Dora e tij ishte bukur e regjur dhe e ashpër.
✱Sin.: hijshëm, bukuri, bukurazi, mrekulli, mirë, boll, goxha, sado, aq, mjaftueshëm, mjaft, fort, plot, lart, shumë, thellë, thellësisht, çuditërisht, pafundësisht, mrekullisht, jashtëzakonisht, derrçe, vendçe, fuqimisht, beter, tejet, tepër, së tepërmi, trashë, rëndë, alamet.

FQINJËSOJ

FQINJËS/ÓJ vep., ~ÓVA, ~ÚAR jokal. Kam marrëdhënie të mira me fqinjët. Fqinjëson mrekullisht me të tjerët.

MREKULLI

MREKULLÍ ndajf., bised. Shumë mirë, shumë bukur. Punon mrekulli. Shpëtoi mrekulli. E flet gjuhën mrekulli. Për mrekulli a) shumë mirë, shumë bukur; b) mrekullisht. Gjithçka shkoi për mrekulli.

MREKULLISHT

MREKULLÍSHT ndajf. 1. Në mënyrë të mrekullueshme, shumë mirë. Qëndruan (luftuan) mrekullisht. Tregime të sajuara mrekullisht.
2. Shumë, tepër, jashtëzakonisht. Qytet mrekullisht i bukur. Shpenzime mrekullisht të vogla. Jeton mrekullisht mirë. Pardesyja i shkonte mrekullisht.
3. Për çudi, çuditërisht; si s’ta pret mendja, për mrekulli, në mënyrë të përsosur, mrekullueshëm. Shpëtoi mrekullisht. Atyre vështirësive ua dolën mrekullisht.
✱Sin.: shumë, tepër, jashtëzakonisht, çuditërisht, mrekullueshëm.

PAQ

PAQ ndajf., bised. 1. Pastër. E mban shtëpinë (oborrin) paq.
2. Shumë mirë, ashtu si duhet, në rregull. E ka bërë punën paq.
3. Plot e përplot, me shumicë; sa të ngopet; me tepri, shumë. Piu (hëngri) paq. U ngopën (ia shtruan) paq. E mbushi paq. Ishte paq me grurë (me misër).
4. shak. Sipas kokës, siç e meriton, ashtu si duhet; sa e dendi. Ia bëri paq. E goditi (e rrahu) paq.
5. Qetë, pa u shqetësuar. Flinte (dremiste) paq.
✱Sin.: pastër, mirë, qetë, qetësisht, mrekullisht.
♦ Ia bëri paq (dikujt) ia punoi ashtu siç e meritonte, ia ktheu sipas sjelljes së tij; ia ndreqi qejfin; ia ndreqi samarin. Jemi paq (me dikë) nuk kemi më llogari për të larë me njëri-tjetrin, jemi të larë, as më ka e as i kam.

ÇUDITËRISHT

ÇUDITËRÍSHT ndajf., libr. 1. Në mënyrë të çuditshme; për çudi. U shtuan çuditërisht. Çuditërisht, mori pamje tjetër. Çuditërisht gjykata e nxjerr të pafajshëm. Çuditërisht ndihej i lodhur.
2. Shumë, jashtëzakonisht. Çuditërisht e madhe (e vogël). Çuditërisht e bukur. Çuditërisht shumë. Në një periudhë kohe çuditërisht të shkurtër. Përgjigjja çuditërisht e fuqishme ndaj pushtimit të vendit.
✱Sin.: shumë, jashtëzakonisht, mrekullisht.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë