Fjalori

Rezultate në përkufizime për “mpleksje”

Mëso si ta përdorësh
<<< Kthehu te kërkimi kryesor në fjalor

KAPËRTHIM

KAPËRTHÍM, ~I m. sh. ~E, ~ET 1. Ngatërrim, mpleksje fijesh, litarësh etj.
2. edhe fig. Grindje e madhe, zënie për fyti me dikë. Kapërthim me fjalë banale.
3. fig. Mbërthim a ngërthim i fortë idesh, mendimesh etj.; mpleksje. Kapërthim idesh (mendimesh).
✱Sin.: mbërthim, ngërthim, mpleksje.

KOKLAVITJE

KOKLAVÍTJ/E,~A f. sh. ~E, ~ET 1. Ngatërrim fijesh; mpleksje flokësh etj.
2. fig. Ngatërresë e madhe; lëmsh; kokël. Ndodhi një koklavitje.
✱Sin.: mpleksje, ndërlikje, ndërlikim, ngatërrim.

KOKOLEPSJE

KOKOLÉPSJ/E,~A f. sh. ~E, ~ET bised. 1. Koklavitje a mpleksje e keqe fijesh, flokësh etj.
2. fig. Ngatërresë e madhe; ndërlikim i madh, koklavitje.
✱Sin.: koklavitje, mpleksje, ngatërresë.

KËRLESHJE

KËRLÉSHJ/E, ~A f. sh. ~E, ~ET 1. Kacafytje, përleshje.
2. Kurmëzimi i maces etj.; kreshpërim.
3. fig. Ndërlikje, mpleksje; ngatërrim.
4. Kërcënim.
✱Sin.: kacafytje, kurmëzim, kreshpërim, kërcënim, ndërlikje.

MPLEKSJE

MPLÉKSJ/E,~A f. sh. ~E, ~ET Pleksje. Gjithë ajo mpleksje hardhish që formonte një tendë të gjelbër.

NGATËRRIM

NGATËRRÍM,~I m. sh. ~E, ~ET 1. Veprimi kur ngatërroj, ose kur ngatërrohem; kund. çngatërrim, shkoklavitje. Ngatërrimi i punëve (i çështjeve). Ngatërrimi i emrave (i datave). Ngatërrimi i mendimeve. Ankthi i ngatërrimit të linjave.
2. kryes. sh. Rrethana që e vështirësojnë dhe e ndërlikojnë diçka, ndërlikime. Sjell ngatërrime.
✱Sin.: trazim, ndërliksje, mbështjellje, çorientim, pështjellim, çoroditje, ndërthurje, përzierje, shkartisje, koklavitje, ndërlikim, ngatërresë, grindje, pleksje, mpleksje, lajthitje, shprishje, tollovitje, kokolepsje, tutëlim.

THURJE

THÚRJ/E,~A f. sh. ~E, ~ET 1. Veprimi kur bashkojmë, kur tërheqim e kur shtrëngojmë fort dy a më shumë fije, degë, thupra etj.; veprimi kur thur diçka ose kur thuret. Thurja e çorapeve. Thurja e planeve (e komploteve, e kurtheve). Thurja e ngjarjeve. Thurje me shtiza. Makinë për thurje.
2. Mënyrë e lidhjes ose e bashkimit të dy a më shumë fijeve, rripave, degëve, thuprave etj. Shporta (punime) me thurje.
3. Gjë e thurur, send i thurur, diçka që është bërë duke u thurur, thurimë. Thurje të bukura.
✱Sin.: thurimë, gardhim, rrethim, qerthullim, endje, ndërthurje, gërshetim, ndërlikje, pleksje, mpleksje, përthurje, hartim, qëndisje, kurdisje, sajim, lëmsh.

ÇMPLEKSJE

ÇMPLÉKSJ/E,~A f. sh. ~E, ~ET Veprimi kur çmpleks diçka ose çmplekset; kund. mpleksje. Kishte mpleksje e çmpleksje kombësish në atë qytet. Pas lëmshit të problemeve erdhi çmpleksja.
✱Sin.: zgjidhje, shthurje, prishje, çmbështjellje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë