Fjalori

Rezultate në përkufizime për “mospajtues”

Mëso si ta përdorësh
<<< Kthehu te kërkimi kryesor në fjalor

ANTAGONIST

ANTAGONÍST,~E mb. 1. libr. Që është në kundërshtim të papajtueshëm me dikë a me diçka tjetër; që shfaq qëndrim armiqësor, kundërshtues, ose kundërvënie; që ka antagonizëm. Veprim antagonist. Forca antagoniste. Mospajtime antagoniste. Interesa (marrëdhënie) antagoniste.
2. fiziol. Që kryen veprime e funksione krejt të kundërta në krahasim me ato të një lënde a organi tjetër të trupit. Lëndë antagoniste. Muskuj antagonistë. Ilaçe me efekt antagonist. Ndikim antagonist.
✱Sin.: kundërshtimor, kontradiktor, mospajtues, konfliktues, konfliktual.

HASHAXHI

HASHA/XHÍ,~XHÉSHË mb. Mohues.
✱Sin.: mohues, kundërshtues, mospajtues.

LARGUES

LARGÚES,~E mb., libr. 1. Që shkon drejt mospërputhjes së tipareve të një dukurie të caktuar, që karakterizohet nga largimi i tipareve të saj; kund. afrues. Zhvillim largues. Në rrugë larguese.
2. Që përpiqet të largohet a të ndërpresë marrëdhëniet e afërta me dikë; kund. afrues. Qëndrim (vështrim) largues.
✱Sin.: tejbartës, përçarës, mospajtues.

MOSPAJTUES

MOSPAJTÚES,~E mb. Që nuk pajtohet me dikë a diçka; që nuk përputhen me njëri-tjetrin dy njerëz, dy gjëra etj.; kund. pajtues. Ai ka mendim pjesërisht mospajtues me vendimin e gjykatës. Mendimi mospajtues i dy anëtarëve të këshillit.

QORTIMTAR

QORTIMTÁR,~E mb. Qortues. Tregonte sjellje qortimtari. Bëhu edukues, jo qortimtar i zellshëm.
✱Sin.: qortues, sharës, kritikues, mospajtues, fshikullues.

QORTUES

QORTÚES,~E mb. Që qorton, që shpreh qortim; që tregon pakënaqësi për një veprim të gabuar a për një sjellje të pahijshme. Me zë qortues. Shikim qortues.
✱Sin.: sharës, kritikues, mospajtues, fshikullues.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë