Fjalori

Rezultate në përkufizime për “mosmiratues”

Mëso si ta përdorësh
<<< Kthehu te kërkimi kryesor në fjalor

MOSMIRATUES

MOSMIRATÚES,~E mb. Që nuk e miraton dikë ose diçka; kund. miratues. I hodhi një vështrim mosmiratues.

NEGATIV

NEGATÍV,~E mb. 1. Mohues; kund. pozitiv. Përgjigje negative.
2. Që është kundër diçkaje, që nuk e miraton diçka, që e hedh poshtë vlerën ose dobinë e diçkaje. Mendim (qëndrim) negativ. Prirje negative. Kritikë negative. Sjellje negative.
3. Që ndikon keq mbi dikë a mbi diçka, që nuk e ndihmon zhvillimin, që pengon, që ka veti të dëmshme. Kushte negative. Faktorë negativë. Ndikim negativ. Shfaqje (dukuri) negative. Shembull negativ. Pasoja negative.
4. Që nuk jep përfundimin e dëshiruar; që është i padobishëm dhe pa vlerë. Përfundime negative. Rezultate negative. Notë negative notë pakaluese në shkollë.
5. Që ka cilësi të këqija, të padëshirueshme; që nuk është i dobishëm ose që është i dëmshëm për shoqërinë; që ka qëndrim dhe sjellje të dobët; i keq. Njeri negativ. Tipare negative. Anët negative. Personazhe negative (let.)
6. fiz. Që ka elektricitet të përbërë nga një rrymë elektronesh, që ka elektricitet si ai që formohet duke fërkuar ebanitin me një rrobë të leshtë; kund. pozitiv. Ngarkesë negative. Elektricitet negativ. Tension negativ. Pol negativ.
7. mat. Që është më i vogël se zeroja, që ka shenjën - (minus) përpara. Numër negativ.
8. mjek. Që nuk ka shenja bakteresh, mikrobesh etj. në analizat e laboratorëve; që nuk është i prekur nga një sëmundje. Test laboratorik negativ. Biopsia doli negative.
✱Sin.: mohues, mosmiratues, pengues, i padobishëm, i pavlefshëm, i padëshirueshëm, i dëmshëm, i keq, i shëndoshë, i pastër, pakalues, i pakalueshëm.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë