Fjalori

Rezultate në përkufizime për “moskuptim”

Mëso si ta përdorësh
<<< Kthehu te kërkimi kryesor në fjalor

AKATALEPSI

AKATALEPSÍ,~A f., filoz. 1. Paaftësi për të kuptuar thelbin e diçkaje.
2. mjek. Prapambetje mendore; tronditje e trurit. Vuan nga akatalepsia.
3. mjek. Pamundësi për të vendosur një diagnozë të saktë. Rast i rëndë i akatalepsisë.
✱Sin.: moskuptim, keqkuptim.

ALEKSI

ALEKSÍ,~A f., mjek. Çrregullim neurologjik që shfaqet me paaftësi leximi dhe me moskuptim të shkronjave; humbje e aftësisë së leximit. Aleksi e pastër. Aleksi e fituar. Aleksi afazike gjendje kur dikush nuk kupton as gjuhën e shkruar, as gjuhën e folur.

MASKIM

MASKÍM,~I m. sh. ~E, ~ET 1. Vënia e një maske në fytyrë. Maskimi i fytyrës.
2. Ndërrim i veshjes dhe vënie e mjekrës a i mustaqeve të rreme që dikush të ndryshojë pamjen e jashtme. Vuri syzet e diellit për maskim. Maskimi i trupit. Kostume maskimi. Veshje (bojë) maskimi.
3. Fshehje e një personi a sendi nën degë a diçka tjetër, që të mos duket a të mos dallohet prej të tjerëve; tërësia e mjeteve dhe e mënyrave që përdoren për të maskuar trupat, armët, objektet ushtarake etj. që të mos i dallojë kundërshtari. Maskimi i vendit (i objekteve, i automjeteve, i trupave) me degë pemësh. Përdor maskimin. Prish (heq) maskimin.
4. Fshehje e një veprimi, qëllimi, ndjenje etj. që të mos e kuptojnë ose që të mos e zbulojnë të tjerët. Maskimi i krimit.
5. mjek. Moskuptim i një sëmundjeje a infeksioni për shkak se e mbulojnë simptoma të tjera ose sepse nuk paraqet simptoma të jashtme. Maskimi i infeksionit në trup.
6. fin. Mbulim a fshehje e fitimit. Maskimi i fitimit.
✱Sin.: mbulim, fshehje.

MOSKUPTIM

MOSKUPTÍM,~I m. sh. ~E, ~ET 1. Pamundësi ose paaftësi për të kuptuar diçka; veprimi dhe gjendja kur nuk e kuptoj diçka; kund. kuptim. Moskuptim i duhur i çështjes. Moskuptimi i detyrave (i shkaqeve). Moskuptimi i mësimit (i shpjegimit, i tekstit).
2. Keqkuptim. Një moskuptim i vogël. Kishte një moskuptim. E sqaroi moskuptimin. Piktura e tij provokoi moskuptim. Po lindin shumë moskuptime. U bë shkak moskuptimesh.

MOSKUPTUAR

MOSKUPTÚAR,~IT (të) as. Moskuptim; kund. të kuptuar. Të moskuptuarit se ku mbaron liria e njërit dhe ku fillon liria e tjetrit.

MOSKUPTUESHMËRI

MOSKUPTUESHMËRÍ,~A f. Pamundësi ose paaftësi për të kuptuar dikë a diçka; mungesë kuptueshmërie; pakuptueshmëri; kund. kuptueshmëri. Kjo shkakton moskuptueshmëri të frazave në ligjërim. Jeton në moskuptueshmëri kulturore.
✱Sin.: pakuptueshmëri, moskuptim.

MOSMARRËVESHJE

MOSMARRËVÉSHJ/E,~A f. sh. ~E, ~ET 1. Pikë, çështje a situatë për të cilën nuk bie dakord dhe nuk e jap miratimin tim; mungesë konsensusi ose miratimi; mospajtim a mospërputhje mendimesh, pikëpamjesh, qëllimesh, veprimesh etj. Mbeti ende një mosmarrëveshje në lidhje me çmimin përfundimtar të shtëpisë.
2. Konflikt ndërmjet dy a më shumë njerëzve, palëve etj.; përçarje, grindje. Mosmarrëveshje të mëdha (të papajtueshme). Mosmarrëveshje familjare (ekonomike, politike, parimore, ideologjike). Lindën mosmarrëveshje. I zgjidhën mosmarrëveshjet. S’ka mosmarrëveshje.
3. Paqartësi ose të kuptuar jo i plotë, jo ashtu si duhet ose i gabuar i diçkaje që thotë a që parashtron dikush tjetër, keqkuptim, moskuptim. Ka ndodhur (ka pasur) një mosmarrëveshje e vogël (e madhe). Këtu ka ndonjë mosmarrëveshje.
✱Sin.: konflikt, mospajtim, mospërputhje, përçarje, grindje, moskuptim, keqkuptim.

MOSZBËRTHIM

MOSZBËRTHÍM,~I m. Mungesë e zbërthimit të diçkaje; pamundësi a paaftësi për të zbërthyer diçka; veprimi kur nuk arrij të zbërthej ose kur nuk zbërthehet diçka; kund. zbërthim, shpërbërje, ndarje, analizë. Moszbërthimi i plotë i proteinës së grurit. Moszbërthimi i kuptimit të fjalës. Moszbërthim i strategjive afatmesme.
✱Sin.: mosshpërbërje, moskuptim, mosndarje.

PAKUPTUESHMËRI

PAKUPTUESHMËRÍ,~A f. Të qenit i pakuptueshëm; mungesë kuptueshmërie; moskuptim; kund. kuptueshmëri. E rrethonte pakuptueshmëria nga njerëzit.

SHKOQITUR

SHKOQÍTUR (i, e) mb. Që është i hollësishëm, që nuk lë vend për dyshim a moskuptim; i qartë, i imët. Dokumente të shkoqitura. - Parimet të jenë të shkoqitura mirë! T’i kemi fjalët të shkoqitura!
✱Sin.: i shpjeguar, i sqaruar, i hollësishëm, i qartë, i imët, i qartë, i zbërthyer.

SHKOQITUR

SHKOQÍTUR (i, e) mb. Që është i hollësishëm, që nuk lë vend për dyshim a moskuptim; i qartë, i imët. Dokumente të shkoqitura. - Parimet të jenë të shkoqitura mirë! T’i kemi fjalët të shkoqitura!
✱Sin.: i shpjeguar, i sqaruar, i hollësishëm, i qartë, i imët, i qartë, i zbërthyer.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë