Fjalori

Rezultate në përkufizime për “moshim”

Mëso si ta përdorësh
<<< Kthehu te kërkimi kryesor në fjalor

ARKAIZIM

ARKAIZÍM,~I m. sh. ~E, ~ET 1. Vjetrim ose lashtësim i diçkaje; të dhënët formë ose kuptim arkaik diçkaje; kund. modernizim, aktualizim. Arkaizimi i jetës. Arkaizim mendësie. Arkaizim i veshjes. Arkaizim stili.
2. gjuh. Procesi i vjetërsimit të disa veçorive të caktuara gjuhësore. Arkaizim gjuhësor. Arkaizimi i ligjërimit poetik. Procesi i arkaizimit. Dukuria e arkaizimit.
✱Sin.: vjetrim, vjetërsim, lashtësim, moçmim, moshim.

MATURIM

MATURÍM,~I m. 1. kim., ind. Lënie e një lëngu a ushqimi në kushte të caktuara derisa të arrihet shija dhe gjendja e dëshiruar, moshim. Maturimi i djathit në vakum. Krijoj kushtet për maturimin e verës.
2. ek. Koha në të cilën duhet të paguhet një kartëmonedhë ose obligacion. Maturim i afatit data e përfundimit të një marrëveshjeje financiare, pas së cilës marrëveshja duhet përtërirë ose nuk do të ekzistojë më. Kontrata me bankën parashikon shlyerjen e kredisë para afatit të maturimit.
3. ek. Zhvillim i plotë. Pas një faze maturimi, ndërtimi ka rifilluar me ritme të vrullshme. Qeveria angazhohet për maturimin e ekonomisë së tregut.

MOSHIM

MOSHÍM,~I m. 1. Arritje e moshës së shtyrë, plakje. Moshimi është pjesë e jetës. Të moshuarit duhet të përballojnë sfida që lidhen me moshimin. Lartësia e skeletit të njeriut shkurtohet për shkak të moshimit.
2. Procesi i kalimit të viteve derisa arrijmë plakjen. Një moshim aktiv dhe i shëndetshëm gjatë gjithë jetës. Virtytet e mbartura që nga fëmijëria gjatë moshimit tonë.
3. Mbizotërim i moshës së plakur. Moshimi i popullsisë për shkak të emigracionit.
4. kim., ind. Arritje e shijes dhe e gjendjes së dëshiruar, maturim. Moshimi i verës u krye në shishe.

PLAKJE

PLÁKJ/E,~A f. 1. Veprimi kur plak ose kur plakem. Plakje e parakohshme (para kohe). Plakja e njeriut.
2. Gjendja kur plak ose kur plakem.
✱Sin.: mplakje, vjetrim, moshim, lashtim.

VJETRIM

VJETRÍM,~I m. 1. Mplakje, moshim. Ja dhe vetrimi i gjyshit kishte nisur nga kujtesa.
2. Prishje e diçkaje, bërja e vjetër, nga përdorimi për një kohë të gjatë. Vjetrimi i rrobave.
3. Mbajtje për një kohë të gjatë a për shumë vjet, që nga dita e prodhimi, në kushte të caktuara, për të fituar cilësi të reja. Vjetrimi i verës (i uiskit).
4. Dalje jashtë përdorimit ngaqë i ka kaluar koha. Vjetrimi i rregullores. Vjetrimi i ligjit.
✱Sin.: plakje, mplakje, vjetrim, vjetërsim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë