Fjalori

Rezultate në përkufizime për “mosbarazim”

Mëso si ta përdorësh
<<< Kthehu te kërkimi kryesor në fjalor

BINOM

BINÓM,~I m. sh. ~E, ~ET 1. mat. Shprehje algjebrike që përbëhet prej dy termash të bashkuar me shenjën plus ose minus; dygjymtyrësh. Formula e binomit. Kufizat (koefiçientët) e binomit. Shumëzimi i binomeve. Binomi shpreh një barazim ose një mosbarazim.
2. fig., libr. Dy dukuri ose dy nocione, që kanë ndërmjet tyre lidhje të dyanshme. Njëra anë e binomit.

INEKUACION

INEKUACIÓN,~I m. sh. ~E, ~ET mat. Shprehje algjebrike me anë të së cilës krahasohen dy madhësi të pabarabarta, mosbarazim. Vetitë e inekuacioneve.

MOSPËRPUTHJE

MOSPËRPÚTHJ/E,~A f. sh. ~E, ~ET 1. Mungesë përputhjeje ndërmjet dy gjërave etj. që bashkohen ose që vihen një mbi një; kund. përputhje.
2. Gjendja kur nuk pajtohen ose nuk përputhen ndërmjet tyre dy a më shumë dukuri a anë të tyre, mendime, veprime etj., mungesa e përputhjes së diçkaje me një tjetër; kontradiktë. Mospërputhje e plotë e mendimeve (e pikëpamjeve). Ka mospërputhje mendimesh me një pjesë të anëtarëve të grupit. Mospërputhja e karaktereve të tyre ishte e dukshme. U vu re mospërputhja e formës me brendinë. Ka mospërputhje të kërkesave me mundësitë.
3. Rast kur nuk përputhem me dikë a diçka. Ka (vihen re, duken) disa mospërputhje në mendimet (në përgjigjet) e dikujt. Dorëshkrimi ka disa mospërputhje me tekstin origjinal.
✱Sin.: mospajtim, mospërkim, dallim, mosbarazim, dallim, kontradiktë, disonancë.

PABARAZI

PABARAZÍ,~A f. sh. ~, ~TË 1. Të qenët i pabarabartë (në madhësi, në shkallë, në cilësi etj.) me një tjetër; kund. barazi. Pabarazia e forcave. Pabarazia e zhvillimit.
2. Gjendje e pabarabartë e njerëzve në shoqëri nga pikëpamja e të drejtave politike e qytetare dhe nga gjendja ekonomike, mungesë barazie me një tjetër; kund. barazi. Pabarazi e plotë. Pabarazi kombëtare (etnike, shoqërore). Pabarazi politike (ekonomike, juridike). Zhdukja e pabarazisë.
3. mat. Mosbarazim.
✱Sin.: dallim, mosbarazim.

SHKRONJOR

SHKRONJÓR,~E mb., libr. 1. Që ka të bëjë me shkrimin. Rend shkronjor.

2. Që shprehet a që shënohet me shkronja; që kryhet me shkronja. Mesazh shkronjor. Mosbarazim shkronjor. (mat.) Shprehje shkronjore. (mat.) Njehsim shkronjor. (mat.) Përbërje shkronjore. (gjuh.) përbërje tingullore. Shkrim shkronjor (gjuh.) shkrim alfabetik. Sistem shkronjor (gjuh.).

3. fig. Që ka vlera të veçanta, që shenjohet me shkonja për rëndësinë që ka. Urë kulturore e shkronjore. Epope shkronjore e atij shkrimtari. Monument shkronjor.


Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë