Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
AKARÓZ/Ë,~A f. Infektim i rëndë i bletëve në organet e frymëmarrjes, që shpie në ngordhjen e tyre e që shkaktohet nga pickimi i këpushave, i morrit të bletës ose i parazitëve të tjerë të familjes së merimangave.
MORR,~I m. sh. ~A, ~AT zool. 1. (lat. Pediculus) Kandërr e vogël pa krahë, që rron si parazit te njerëzit (në trup, sidomos në kokë, në rroba, në shtresa e mbulesa), te disa kafshë e shpendë etj. E hëngrën morrat. Kishte zënë morra. Vriste morrat. Zhdukja e morrave. Hunda në lis, morri në kurriz. (fj. u.) mendjemadhësia sjell gjithmonë të këqija, mendja e madhe - e zeza e të zot. Morri i kuq a) morr më i madh se morri i zakonshëm, që ka ngjyrë të verdhë të zbehtë dhe që shkakton sëmundjen e tifos së morrit; b) mjek., bised. tifoja e morrit. Morr pule. Morr pate. Fole morrash. Tifoja e morrit (mjek., veter.) tifo që shkaktohet nga një lloj morri i kuq.
2. Kandërr shumë e vogël, që shtohet shumë shpejt e që u bie bimëve të ndryshme dhe i dëmton ato, duke u thithur lëngun. Morri i zi. Merri i gjelbër. Morri i pjeshkës. Morri i trëndafilit. Morri i panxharit. Morri i drithërave. Morri i misrit.
♦ M’u bë morr (dikush) përb. bised. shih m’u bë rrodhe (dikush). Iu bë morri me *bisht (dikujt) përçm. I ra morri në *pjatë (dikujt) përçm. S’të jep një morr të kruash kokën (dikush) përçm. shih s’të jep një gur të çash kokën (dikush). Mjel (edhe) morrin (dikush) iron. përpiqet të nxjerrë fitime edhe nga dikush a nga diçka që nuk ka vlerë; është shumë dorështrënguar; nxjerr dhjamë nga pleshti; nxjerr vaj nga guri; e rrjep morrin nga bishti. Si Morr i ngordhur (i vrarë) përb. bised. njeri i turpëruar, i rënë krejt në sytë e të tjerëve; ai që nuk ka më as fuqi, as vlerë; me thes në kokë2; me faqe në dhe (përdhe). Të qeth (të kreh) e t’i lë morrat brenda (dikush) është mashtrues e dinak i madh, përpiqet gjithnjë të ta hedhë; është i regjur në hile e në dredhi; ta jep vezën pa të verdhë (pa të kuqe); ka shejtanin në bark. E rrjep morrin nga *bishti (dikush). E vë (e shtie) morrin në *hell (dikush) bised.
PULÍTH,~III m. sh. ~Ë, ~ËT 1. Thërija e morrit të pulave; morr pule. Ishte sa një pulith ishte shumë i vogël.
2. fig. Njeri tinëzar; mistrec. Tregoja vendin atij pulithit!
3. fig. Njeri shpirtvogël; njeri shpirtngushtë
4. si mb. Sipas kuptimit 3 të emrit.
✱Sin.: thërijë, morr, cingull, tinëzar, mistrec, pulis, dinak.
TÍFO,~JA f., mjek., veter. Sëmundje ngjitëse, e cila shkaktohet nga një mikrob që hyn në organizëm me anë të ujit të papastër, të ushqimeve etj. dhe që karakterizohet nga ethe të forta. Tifoja e zorrëve tifo që shkakton plagë në zorrë. Tifoja e morrit tifo që shkaktohet nga pickimi i morrit të kuq dhe që shfaqet me disa njolla të kuqe në trup. Mikrobi i tifos. Vaksina kundër tifos. E zuri tifoja. Iu ngjit tifoja. I sëmurë nga tifoja.
✱Sin.: tifo lëngjyrë, shutër.
ÇMORRÍT (ÇMORRÍS) vep., ~A, ~UR kal. 1. I heq morrat dikujt a diçkaje, e pastroj nga morrat; morrit. Çmorrit rrobat (teshat). I çmorriti kokën. Na futën si kope nëpër dushe për të na çmorritur. Po çmorriste djalin që në mëngjes.
2. fig. E kruaj dhe e gudulis lehtë dikë; e pickoj lehtë. Më çmorrit pak. Çmorrit kurrizin.
✱Sin.: morrit, pastroj, kruaj, gudulis, pickoj.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë