Fjalori

Rezultate në përkufizime për “montazh”

Mëso si ta përdorësh
<<< Kthehu te kërkimi kryesor në fjalor

MONTAZH

MONTÁZH,~I m. sh. ~E, ~ET 1. Kompozim pikturash, fotosh ose dizajnësh, i bërë duke i organizuar në mënyrë artistike në mënyra të ndryshme; krijim artistik që bëhet duke montuar piktura, foto etj. Bëj një montazh me foto.
2. kinem. Montimi i një filmi, klipi ose videoje. Bëri montazhin e filmit. Në kinema montazhi i filmit luan rol të rëndësishëm. Njoh teorinë dhe praktikën e montazhit. Përdor efektet i ndriçimit në montazh.
3. Film, klip ose video e montuar. Redaktoi klipet së bashku në montazhe me ritëm të shpejtë.

MONTIM

MONTÍM,~I m. sh. ~E, ~ET 1. Veprimi kur montoj ose kur montohet diçka. Montim pajisjesh. Uzina e montimit të automobilave. Vegla montimi. Skuadra e montimit. Montimi i filmit.
2. Diçka jo e vërtetë ose jo reale që krijohet duke bashkuar me anë të teknologjisë pjesë të ndryshme të pamjeve filmike, fotografike etj.; sajesë që arrihet duke montuar pjesë të ndryshme në një video, në një foto a në një ngjarje të vetme; trillim, sajim. Ai tha videoja nuk ishte reale por një montim.
3. Krijim letrar, muzikor etj., që bëhet duke bashkuar pjesë të zgjedhura të një vepre ose të disa veprave. Montim muzikor (letrar, koreografik).
✱Sin.: montazh, bashkim, lidhje, mbërthim, krijim, trillim, sajim, inskenim.

VIDEOMONTAZH

VIDEOMONTÁZH,~I m. sh. ~E, ~ET 1. Montazh i pjesëve të regjistruara duke i zgjedhur dhe bashkuar a ngjitur në një të vetme në video dhe duke hequr pjesët që nuk duhen, për t’i dhënë trajtën përfundimtare një filmi, një emisioni, një lajmi etj. Një videomontazh i tërheqës për publikun. Një videomontazh i një fotografi. Videomontazh me fotografi nga peizazhet mahnitëse të natyrës.
2. Emision, dokumentar etj. i ndërtuar në këtë mënyrë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë