Fjalori

Rezultate në përkufizime për “monopolist”

Mëso si ta përdorësh
<<< Kthehu te kërkimi kryesor në fjalor

ANTIMONOPOLIST

ANTIMONOPOLÍST,~E mb., ek. Që është kundër monopolit dhe kundër monopolistëve; kundërmonopolist; kund. monopolist. Institucion antimonopolist. Zë i fortë antimonopolist. Legjislacioni antimonopolist.

ANTIMONOPOLIST

ANTIMONOPOLÍST,~I m. sh. ~Ë, ~ËT ek., pol. Ai që është kundër monopolit dhe kundër monopolistëve; kundërmonopolist; kund. monopolist. Ai është antimonopolist. Antimonopolistët kërkuan ndarjen e korporatave.

GRUPIM

GRUPÍM,~I m. sh. ~E, ~ET 1. Veprimi kur grupohet dikush ose diçka. Grupimi i forcave. Grupimi i materialit. Bëhet grupimi.
2. Tërësi njerëzish, kafshësh a sendesh që ndodhen a që janë mbledhur së bashku në një vend ose që veprojnë së bashku; tërësi njerëzish të organizuar përkohësisht së bashku, që kanë ide e qëllime të njëjta ose që kryejnë të njëjtën punë; grup. Grupim politik. Grupim monopolist. Grupim ndërtesash. Grupim fisesh.
3. usht. Bashkim i përkohshëm i disa njësive ushtarake me një komandë të vetme për të kryer një detyrë luftarake. Grupim operativ. Grupim artilerie (aviacioni). Komanda e grupimit.
✱Sin.: grumbullim, kamp, klasifikim.

IMPERIALIZËM

IMPERIALÍZ/ËM,~MI m. Fazë e lartë e kapitalizmit, kur prodhimi është përqendruar në duart e monopoleve të mëdha dhe të oligarkisë financiare, kapitalizëm monopolist; formë e organizimit ekonomik, politik e shtetëror. Që ka të bëjë me këtë fazë të kapitalizmit; kund. antiimperializëm. Imperializmi amerikan (anglez, gjerman, japonez).

KONCERN

KONCÉRN,~I m. sh. ~E, ~ET ek. 1. Bashkim i madh monopolist i disa sipërmarrjeve, që ka si qëllim rritjen e mëtejshme të prodhimit dhe të fitimit. Tanimë u rrit dhe u bë një koncern i madh.
2. fin. Përqendrim i madh i parasë, ku rolin kryesor e luan kapitali financiar.

MONOPOLIST

MONOPOLÍST,~I m. sh. ~Ë, ~ËT Ai që ka monopolin në një fushë të caktuar. Një çmim që mund të përcaktohet nga një monopolist. Një grup i vogël monopolistësh. Lufta ndërmjet monopolistëve.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë