Fjalori

Rezultate në përkufizime për “monolog”

Mëso si ta përdorësh
<<< Kthehu te kërkimi kryesor në fjalor

DEKLAMOJ

DEKLAM/ÓJ vep., ~ÓVA, ~ÚAR libr., kal., 1. Recitoj me zë të lartë e në mënyrë shprehëse një pjesë letrare. Deklamoi një vjershë (një poemë). Deklamoi një monolog.
2. fig. Them a lexoj diçka me ton të ngritur e me patos jo të natyrshëm.

DIALOG

DIALÓG,~U m. sh. ~Ë, ~ËT 1. Rrahje mendimesh a e një çështjeje nga dy a më shumë vetë, duke biseduar drejtpërdrejt; bashkëbisedim. Dialog i gjallë. Dialog politik. Filluan (ndërprenë) dialogun.
2. let. Pjesë e një vepre letrare që përmban bashkëbisedimin ndërmjet personazheve ose fjalët që shkëmbejnë ata; vepër letrare e shkruar në formë bashkëbisedimi; kund. monolog. Arti (mjeshtëria) e dialogut.

MONOLOG

MONOLÓG,~U m. sh. ~Ë, ~ËT let., teatër., kinem. 1. Kuvendimi i një personazhi me vetveten ose që u drejtohet dëgjuesve a shikuesve (në një shfaqje teatrale, në një film etj.); pjesë dramatike që përmban një kuvendim të tillë me vetveten; kund. dialog. Monolog lirik. Recitoi një monolog. Monologu i Hamletit.
2. Shprehja e mendimeve dhe e ndjenjave të një personazhi duke kuvenduar me vetveten si mjet artistik që përdoret nga shkrimtarët në veprat letrare. Monolog i brendshëm. Shfrytëzon shumë monologun (në një vepër).

MONOLOGIM

MONOLOGÍM,~I m. sh. ~E, ~ET Të bërët monolog. Monologimi me veten. Monologimi i personazhit.

MONOLOGOJ

MONOLOG/ÓJ vep., ~ÓVA, ~ÚAR let., teatër., kinem., jokal. Bëj monolog. Monologon mes reales dhe iluzionit.

VETËFOLJE

VETËFÓLJ/E,~A f. 1. libr. Monolog i brendshëm i njeriut që flet me veten e tij. Vetëfolje e brendshme e njeriut.
2. teatër. Monolog, kuvendim artistik në një vepër letrare i një personazhi a në një shfaqje teatrale, i një aktori kur interpreton para spektatorëve a dëgjuesve një monolog të një vepre artistike. Vetëfolja e plakës Nicë. Vetëfolja e aktorit në skenë.

VETËFOLËS

VETËFÓLËS,~E mb., libr. Që flet, kuvendon me vetveten me anë të folurit të brendshëm, që bën monolog.
2. teatër. Që flet a kuvendon me vetveten në skenë gjatë interpretimit të një monologu (në një dramë a në një shfaqje teatrale) dhe që u drejtohet dëgjuesve dhe shikuesve.

VETËFOLËS

VETËFÓLËS,~I m. sh. ~, ~IT 1. libr. Ai që flet, kuvendon me vetveten me anë të folurit të brendshëm, që bën monolog.
2. teatër. Ai që flet a kuvendon me vetveten në skenë gjatë interpretimit të një monologu (në një dramë a në një shfaqje teatrale) dhe që u drejtohet dëgjuesve dhe shikuesve.

VETËFOLËSE

VETËFÓLËS/E,~JA f. sh. ~E, ~ET 1. libr. Ajo që flet, kuvendon me vetveten me anë të folurit të brendshëm, që bën monolog.
2. teatër. Ajo që flet a kuvendon me vetveten në skenë gjatë interpretimit të një monologu (në një dramë a në një shfaqje teatrale) dhe që u drejtohet dëgjuesve dhe shikuesve.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë