Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
BIOBIBLIOGRAFÍK,~E mb., libr. Që lidhet me biobibliografinë, i biobibliografisë. Katalog biobibliografik. Vepër (monografi) biobibliografike. Shënime biobibliografike. Të dhëna të hollësishme biobibliografike.
EUROPEÍZ/ËM,~MI m. Lëvizje ideologjike dhe politike që mbështetet mbi themelin e përbashkët historik e kulturor të popujve të Evropës, i cili duhet të çojë në një Evropë shpirtërisht dhe politikisht të bashkuar. Dobësim i europeizmit në rajon. Europeizmi si histori mendimi. Një monografi mbi europeizmin. Një traktat për europeizmin.
KAPÍTU/LL,~LLI m. sh. ~J, ~JT 1. Kreu i një monografie a botimi, i një libri a reviste etj.; përmbajtja e secilit prej këtyre krerëve. Kapitulli i dytë (i fundit) i librit. Monografi me disa kapituj.
2. Çështja për të cilën flitet ose diskutohet në një mbledhje, në një konferencë etj. Kjo gjë (kjo çështje) është një kapitull më vete. E mbyllëm këtë kapitull.
♦ Kapitull i mbyllur libr. diçka e përfunduar që nuk do të diskutohet ose nuk do të rimerret më, çështje së cilës nuk do t’i kthehemi kurrë.
MONOGRAFÍK,~E mb. Që i kushtohet një çështjeje a një teme të veçantë dhe e trajton këtë në mënyrë të hollësishme, që ka karakterin e një monografie, që përbën një monografi. Studim monografik. Trajtim monografik.
QIT (QIS) vep., ~TA, ~TUR kal. 1. E heq nga brenda, e nxjerr nga thellësia e diçkaje, e bëj të dalë përjashta; e lëviz nga vendi i vet i zakonshëm, shkul; e lëshon, nuk e mban, nxjerr; kund. shtie, fut. Qiti librat. E qiti nga xhepi. E qiti nga shtëpia. I qiti kafe e gostiti me kafe. E qiti topin jashtë fushës. Qiti kokën nga dritarja. E qiti në skenë. E qiti në film. E qiti para të gjithëve. E qiti në dritë. E qiti në shëtitje. Qiti dhëmballën. Qiti këmbën (krahun) e ndrydhi. I qiti syrin. I qiti rrënjët. E qit bojën. E qit ajrin.
2. Lë të dalë, të përhapet, të mbijë, të rrjedhë etj. nga vetja, lëshoj, nxjerr. Qit tym (avull). Qit shkëndija. Qit lule (gjethe, kalli). Qit tinguj. Qit flluska. Qit frymën (ajrin).
3. I heq cipën e sipërme a mbulesën; e bëj të duket pa atë që e mbulonte sipër, zbuloj, tregoj të zhveshur; bised. Heq një veshje, një rrobë etj. nga trupi; nxjerr. I qit bojën. I qiti cipën. Qiti llërët (krahët). Qit kapelën. Qit këpucët.
4. Largoj prej diku, nxjerr, dëboj; e largoj nga gjiri i familjes a nga puna kur arrin një moshë të caktuar; e marr me vete dhe e shpie diku; bised. E bëj të dalë diku që ta shohin të tjerët, nxjerr. E qitën nga dhoma (nga shtëpia). E qiti në rrugë. E qiti jashtë me shkelma. E qiti birërie nuk e quan më për djalë a për vajzë të vetën, e dëbon nga gjiri i familjes. E qiti vajzën e martoi vajzën. E qiti në shëtitje. E qiti në ajër të pastër. E qitën në pension. E qiti në skenë. E qiti në film. E qiti para kolektivit. E qiti në dritë.
5. E përgatit, hartoj, prodhoj, e botoj, e bëj të njohur, shpall, e përhap diçka, e vë në qarkullim; nxjerr; fig. jap nga gjiri. Qiti një vepër (një monografi). Qit një lajmërim. Qitën rregulla të reja. Qit qumësht. Qit gjëra të mira nga duart. Qit naftë nga nëntoka. Qit vaj nga ullinjtë. Qit kuadro. Qiti një urdhër dha urdhër, urdhëroi. Vendi ynë ka qitur mendimtarë të shquar.
6. Siguroj me punë; fitoj; bised. i siguroj dikujt diçka, nxjerr. Pati qitur shumë fitime. I qitën të drejtën e studimit.
7. Paraqit, nxjerr, parashtroj; i krijoj rrethana të vështira, i shkaktoj diçka të padëshirueshme; nxjerr. Qit kundërshtime. Qit arsye (shkaqe). I qiti bishta. I qiti ngatërresa. Na qiti punë.
8. I krijoj kushtet dikujt që të paraqitet në një mënyrë të caktuar; e paraqit, e nxjerr. E qitën të pafajshëm. E qiti faqebardhë.
9. Plotësoj, kënaq një dëshirë, një ndjenjë; heq; largoj një ndjenjë, një gjendje shpirtërore; shfryj, nxjerr. Qit dufin. Ia qita frikën. Ia qitën gjumin. Qit mallin çmallem. E qiti zinë.
10. Flas, tregoj, nxjerr; e bëj të flasë a të tregojë diçka të fshehtë. Nuk qiti asnjë emër. Ia qiti fjalët me zor.
11. E shpëtoj nga një gjendje e vështirë a e keqe; nxjerr. E qiti nga balta. E qitën nga telashet.
12. E bëj të paaftë, të pavlefshëm, nxjerr. E paska qitur jashtë përdorimit.
13. E vë në një vend të caktuar kundrejt të tjerëve, nxjerr. E qitën në krye. E qitën në fund.
14. Nxjerr për të shitur. E qitën në shitje.
15. bised. Riprodhoj nga një gjë tjetër ose sipas diçkaje tjetër, nxjerr. Qit në fotografi. I qiti bashkë (familjarisht).
16. I vë përpara, gostit, qeras. U qiti bukë djemve. Ia qiti përpara. I qiti kafe (pije, ëmbëlsirë).
17. bised. Kaloj një periudhë kohe, kapërcej, e përcjell në një mënyrë të caktuar; hedh; nxjerr. E qiti vitin (dimrin). E qiti duarbosh. E qiti pa pjesë.
18. bised. Krijoj, bëj, trilloj. I qitën një vjershë (një këngë). I qitën fjalë.
19. I shtie, i hedh brenda; fut, shtie. I qiti sheqer kafes. I qiti vaj gjellës. I qiti verës ujë. E qiti në thes.
20. E hedh tutje, e flak. E qiti poshtë. Qite tutje!
21. Qëlloj me armë zjarri, shtie. Qit me pushkë. Qit me top. Qiti pushkë shtiu, qëlloi.
✱Sin.: nxjerr, lëshoj, zbath, zhvesh, qëroj, prodhoj, përgatis, parashtroj, shes, hedh, gostit, qeras, kapërcej, shkaktoj, bëj, hedh, krijoj, trilloj, shtie, fut, përfshij, hedh, flak, qëlloj.
♦ E qiti në *bajrak (dikë). E qit (e nxjerr) në *breg (dikë). Ia qiti (ia nxori) *cifundin (diçkaje a dikujt). E qiti (e bëri) *çirak (dikë) vjet. Qit (nxjerr) *gjoksin (përpara) (dikush). E qiti (e nxori) *kokën (kryet) (dikush). E qiti (e nxori) kryet (*kokën) (dikush). Ia qiti *lezetin (dikush). E qiti (e nxori) *mendsh (dikë a diçka). Më qiti (më nxori) *mendtë (dikush). I qit *rrethin (dikujt). Është për t’i qitur (për t’i nxjerrë) *sytë (dikush). I qitin (i nxjerrin) sytë *gaca (dikujt). I qiti *shtupën (dikujt).
TRAKTÁT,~I m. sh. ~E, ~ET 1. Vepër didaktike, në të cilën trajtohet në mënyrë të plotë dhe të saktë një temë e veçantë në lëmin e artit a të shkencës; libër, manual, monografi. Traktat filozofik. Traktat morali. Traktat fizike. Shkroi një traktat.
2. Marrëveshje me shkrim ose lidhje ndërmjet dy a më shumë shteteve, për çështje të ndryshme politike, për marrëdhënie ekonomike, ushtarake, paqeje, tregtie etj.; konventë, marrëveshje, pakt, protokoll. Traktat paqeje. Traktat miqësie. Traktat ushtarak. Traktat tregtie. Traktat i fshehtë. Shkelja e traktatit. Dalje nga traktati. Denoncimi i traktatit. Lidhën një traktat. Ratifikoj një traktat. Ratifikim i një traktati.
✱Sin.: vepër, libër, manual, monografi, konventë, marrëveshje, pakt, protokoll.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë