Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
►NGJÍT/EMI jovep., ~A (u), ~UR vetv. 1. vet. v. III Bashkohet te diçka tjetër me zamkë, me tutkall etj., kapet te diçka tjetër dhe nuk hiqet (për diçka të lyer me zamkë, për diçka të lagët etj.); kund. shqitet, çngjitet. M’u ngjit letra në dorë. M’u ngjit këmisha pas trupit. U ngjit pullë.
2. vet. v. III Bashkohen përsëri pjesët e thyera të diçkaje; kund. thyhet. Kocka e thyer fëmijëve u ngjitet shpejt. Buka që thyhet, s’ngjitet më. (fj. u.). Po u thye kulaçi, s’ngjitet më. (fj. u.).
3. vet. v. III Ka aftësinë të bashkohet me diçka tjetër duke u nxehur. Nuk ngjitet bakri me aluminin. Ky metal ngjitet me kallaj.
4. I afrohem shumë dikujt a diçkaje sa puthitem me të; i ngjishem. U ngjitën pas tokës. Iu ngjit në gjoks. U ngjitën në koncert, aq shumë njerëz kishte.
5. fig. I vete prapa dikujt a diçkaje dhe nuk i shqitem, i qepem pas, i bëhem ferrë; i vardisem nga pas. I ngjitet prapa të atit. U ngjiten prapa makinave. I ngjitet s’ëmës qengji ngado. I ngjitet si rrodhe (si hije, si baltë).
6. bised. Jepem shumë pas diçkaje. U ngjitet mësimeve.
7. vet. v. III Më zë sëmundja nga një tjetër. Iu ngjit rrufa (gripi, tifoja).
8. vjet. Pajtohem për të punuar me pagesë a për të mësuar mjeshtërinë te dikush. Ngjiteshin hyzmeqarë (shegertë).
✱Sin.: zamkohet, kapet, zihet, zhezhitet, ciknoset, përngjitet, ngjit, bie, kap, zë, afrohem, puthitem, puqem, karfosem, bashkohem, ngjishem, rrasem, kolitem, shtrëngohem, mërzis, qepem, vardisem, jargavitem, beditem, jepem, përkushtohem, molepsem, pajtohem, shijon, infektohem.
♦ S’i ngjitet *qimja (dikujt). Ia ngjit (ia qep) *sytë (dikujt a diçkaje). Ngjitet (edhe) pa *shkallë (dikush). M’u ngjit në *zemër (në shpirt) (dikush a diçka).
►PRÉK/EM jovep., ~A (u), ~UR 1. vetv. Ndiej thellë, emocionohem, më lë mbresa diçka, mallëngjehem; ndiej dhembje shpirtërore për diçka, shqetësohem shumë, tronditem; fyhem. Preket shumë (lehtë, shpejt). U prekën thellë nga përkrahja (nga mbështetja) e tyre.
2. vetv. Sëmurem nga një sëmundje, më bie një sëmundje (për frymorët dhe bimët). Është prekur nga tuberkulozi.
3. vetv., vet. v. III Dëmtohet, cenohet. U prekën bimët nga vrugu (nga bryma).
4. pës. e PREK.
✱Sin.: cekem, cikem, emocionohem, mallëngjehem, pezmatohem, tronditem, lëndohem, goditem, dokëndisem, fyhem, sëmurem, dëmtohem, takohem, plagosem, vritem, thekem, trazohem, përmallem, përmallohem, jargavitem, shqetësohem, acarohem, egërsohem, thartohem, zemërohem, kafshohem, athëtohem, cenohem, merakosem, turbullohem, molepsem.
♦ Nuk preket në *kërthizë (dikush). Nuk preket (as) me *krënde (dikush). S’preket (as) me *llullë (dikush) iron. U preka në *zemër (në shpirt).
►PRÍSH/EM jovep., ~A (u), ~UR 1. vetv., vet. v. III Rrëzohet përdhe diçka e ndërtuar, bëhet copë-copë, rrënohet, shembet, shkatërrohet. U prish shtëpia (muri, çatia).
2. vetv., vet. v. III Vjen në një gjendje të tillë sa nuk punon më, dëmtohet sa s’hyn më në punë; del jashtë përdorimit, bëhet i papërdorshëm. U prish makina (droni, helikopteri, aeroplani).
3. edhe fig., vetv., vet. v. III Ngatërrohet, çrregullohet, pështjellohet diçka. Iu prishën flokët. U prish puna.
4. fig., vetv. Pësoj humbje të mëdha materiale ose ekonomike, dëmtohem rëndë, shkatërrohem, rrënohem. U prish vendi (ekonomia).
5. vetv., vet. v. III Fshihet, shuhet, zhduket. I janë prishur shkronjat. U prishën gjurmët.
6. vetv., vet. v. III Dëmtohet diçka, shkatërrohet. Iu prishën dhëmbët. U prishën të mbjellat.
7. edhe fig., vetv., vet. v. III Keqësohet. Na u prish puna.
8. vetv. Dobësohem, tretem; humbas shëndetin e bukurinë, shëmtohem. Pse ishte prishur ashtu?
9. edhe fig., vetv., vet. v. III Humbet vlerën a cilësitë e mira; zvetënohet, bastardohet. I prishet shija.
10. fig., vetv. Shthurem, bëhem i keq, marr udhë të keqe.
11. bised., vetv. Shtrembërohem në fytyrë për të shprehur një dhembje, një pakënaqësi etj. U prish në fytyrë.
12. vetv., vet. v. III Kalbet, qelbet e zë erë të keqe (për mishin a për lëndë të tjera organike). U prish mishi. U prishën gjellët.
13. vetv., vet. v. III Thartohet. U prish qumështi.
14. vetv., vet. v. III Mban erë, merr erë të keqe. U prish ajri.
15. fig., vetv., vet. v. III Ndyhet, fëlliqet. U prish atmosfera.
16. vetv., vet. v. III Bie, nuk mbahet më, shkatërrohet. U prish krushqia (miqësia). Nuk u prish bashkimi.
17. fig., vetv. (kryes. me një trajtë të shkurtër të përemrit vetor në r. dhanore) Nuk e kam më një dëshirë, një gjendje shpirtërore etj., më ikën diçka që kisha, që ndjeja etj. M’u prish rehatia (gjumi). Iu prish oreksi.
18. vetv. Zemërohem, fyhem.
19. vetv., vet. v. III Merr një drejtim tjetër; kalon në një gjendje tjetër, luan nga qëndrimi i parë. Iu prish drejtimi (ekuilibri).
20. vetv. Ndërpres marrëdhëniet e mira që kam pasur me dikë.
21. vetv. Zihem me dikë. Për pak u prisha me të.
22. vetv., vet. v. III Vishet me re, vrenjtet (për qiellin); bëhet më e ftohtë a me reshje (për kohën); ndryshon për keq, egërsohet. U prish moti (koha). U prish deti filluan dallgët.
23. pës. e PRISH.
✱Sin.: përprishem, shembem, rrënohem, rëndohem, dëmtohem, çartem, çartohem, çatrafilohem, batallohem, shajtohem, shkatërrohem, batërdisem, shthurem, pështjellohem, shprishem, fshihem, shuhem, keqësohem, dobësohem, shëmtohem, shformohem, shfytyrohem, përçudnohem, zvetënohem, përdhosem, degjenerohem, bastardohem, pritem, ndotem, ndyhem, egërsohem, grindem, ndahem, armiqësohem, mërihem, çahem, rrëzohem, shkrehem, dreqosem, djallosem, djallëzohem, zhgjymtohem, handakosem, fëlliqem, qullosem, shkretohem, vrerohem, ligësohem, vdirrem, qelbem, zezohem, nkeqem, zhdukem, ngërdheshem, shtrembërohem, thartohem, shurdhohem, vrenjtem, teptisem, molepsem, çedukohem, mbrapshtohem, çoroditem, shkalaveshem, vjetrohem, kalbem, tretem, zemërohem, fyhem, zihem, ftohem, perënditem, përanditem, hasmërohem, acarohem, trazohem, çakordohem, ngatërrohem, turbullohem, hallakatem, tartarosem, përkeqem, thahem, çnatyrohem, kalbësitet, kalbëzohet, kalbëzehet, tharet, tharbet, tharmëtohet, tharmohet, tharbëtohet, dekompozohet, zjarrtiset, katranoset, dështoj, bitiset, rrafshohet, çatallohet, shkallohet, çorganizohet, çrregullohet, trokohet, rroposet, shpërbëhet, zhbëhet, shthuret, zhgardhohet, shkallmohet, përsheshet, topitet, çmprihet, shkon, humbet, cifloset, rravgon, krimbet, stërkrimbet, makrohet, motohet, mëllënkshet, bajatet, ikën, shpenzohet, shplekset, thahet, uthullohet, ndizet, myket, zhezhitet, shpërthuret, zhgërshetohet, zhdridhet.
♦ Nuk u prish (nuk u shemb) dynjaja (*bota) mospërf. U prish në *fytyrë (dikush). M’u prish (m’u turbullua) *gjaku. Nuk më prishet (nuk më krimbet) *gjiza iron. bised. U prish nga *fiqiri (dikush). M’u prish (m’u turbullua) *gjaku. U prish *koha shaka. U prish nga *mendtë (mendsh) (dikush). M’u prish *mendja. U prish nga *mendja (dikush). U prish *moti shaka. M’u prishën (m’u shkatërruan) *nervat. M’u prish *puna! iron. M’u prish *zemra.
►TENJÓS/EM jovep., ~A (u), ~UR 1. vetv., vet. v. III Brehet, hahet, gërryhet, kërdiset nga tenja (mola). Rrobat dhe drithërat tenjosen shpesh. Iu tenjos mielli (hambari).
2. vetv. Brehem prej diçkaje nga brenda; më hyn sëmundja e më bren; sëmurem; molepsem, tenjavem. Iu tenjosën dhëmbët.
3. fig., vetv., vet. v. III Krimbet, kalbet; korruptohet. Çdo sistem politik tenjoset, nëse nuk merren masa.
4. pës. e TENJÓS.
✱Sin.: brehet, hahet, gërryhet, krimbet, kalbet, kërdiset, sëmurem, molepsem, tenjavem.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë