Fjalori

Rezultate në përkufizime për “modeste”

Mëso si ta përdorësh
<<< Kthehu te kërkimi kryesor në fjalor

HABITËRISHT

HABITËRÍSHT ndajf. 1. Në mënyrë të habitshme; në mënyrë të papritur e të pabesueshme; çuditërisht. Merrte habitërisht një rrogë modeste vjetore.
2. Shumë, jashtëzakonisht. Kjo që ndodhi ishte habitërisht e madhe.
✱Sin.: çuditërisht, shumë, jashtëzakonisht.

MODEST

MODÉST,~E mb., libr. 1. Që sillet me thjeshtësi a që jeton thjesht; që nuk mburret për aftësitë e zotësinë që ka ose për punën e rëndësishme që bën ose që nuk e mbivlerëson vetveten; që nuk parashtron kërkesa të tepruara; që është tipar i një njeriu të tillë; i thjeshtë; i përulur. Njeri (dijetar, udhëheqës, drejtues) modest. Është (tregohet) modest. Grua modeste.
2. Që është i thjeshtë e pa luks, jo i shtrenjtë; që nuk ka teprime ose ekstravagancë, që nuk të tërheq vëmendjen për pamje të ngarkuar me gjëra të panevojshme. Shtëpi (banesë) modeste. Veshje modeste. Jetë modeste.
3. Që ka vlerë, rëndësi ose arritje jo të mëdha. Punë (vepër) modeste. Kontribut modest.
4. Që është i pakët a i kufizuar në sasi, nivel, përmasa etj.; i vogël, i ulët. Të ardhura (shuma) modeste. Me çmime modeste.
✱Sin.: i thjeshtë, i përulur, i pakët, i vogël, i kufizuar, i ulët.

MODESTE

MODÉST/E,~JA f. sh. ~E, ~ET Ajo që është modeste. Është atletja jonë më e dashur, modestja, vajza e sakrificave të mëdha.

MODESTISHT

MODESTÍSHT ndajf. Në mënyrë modeste, me modesti, thjeshtësisht. Ndërhyri (foli, rrëfeu) modestisht. E sugjeroj modestisht këtë ide. Jam munduar modestisht të përshkruaj këto momente.

NEOLIBERALIZËM

NEOLIBERALÍZ/ËM,~MI m. Pikëpamje filozofike sipas së cilës institucionet politike dhe ekonomike të një shoqërie duhet të jenë liberale dhe kapitaliste në orientim, të qeverisur nga një regjim demokratik dhe një shtet social me përmasa modeste. Neoliberalizmi i përhapur do të shënonte fundin e historisë. E bëri në emër të neoliberalizmit. Instalojnë neoliberalizmin.

PAFALSHMËRISHT

PAFALSHMËRÍSHT ndajf. Në mënyrë të pafalshme. Dukej pafalshmërisht e guximshme dhe aspak modeste. Kuqezinjtë humbin pafalshmërisht takimin e radhës. Krime pafalshmërisht të lëna në harresë dhe të padënuara.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë