Fjalori

Rezultate në përkufizime për “moderuar”

Mëso si ta përdorësh
<<< Kthehu te kërkimi kryesor në fjalor

ALEMANDË

ALEMÁND/Ë,~A f., muz. Lloj kërcimi me muzikë instrumentale, me temp të moderuar, me ka prejardhje gjermane, që është luajtur në oborret mbretërore të vendeve të tjera evropiane.

ANTIKLERIKALIZËM

ANTIKLERIKALÍZ/ËM,~MI m., libr. Ideologji, qëndrim ose lëvizje që përpiqet të kufizojë ndikimin e kishës në çështjet shtetërore-publike; sistem ideologjik që kërkon ndarjen e fesë nga shteti dhe zhveshjen e institucioneve fetare nga privilegje apo pushtet; kundërklerikalizëm. Antiklerikalizëm historik. Antiklerikalizmi i moderuar. Antiklerikalizëm radikal. Antiklerikalizmi dhe shekullarizimi. Antiklerikalizmi si ideologji shtetërore. Përshtrirja e antiklerikalizmit. Ide të antiklerikalizmit.

MENSHEVIK

MENSHEVÍK,~E mb. 1. Që është anëtar i krahut të moderuar të Partisë Social-Demokrate në Rusi në fillim të shekullit XX.
2. Që është përkrahës a ndjekës i menshevizmit.

MENSHEVIK

MENSHEVÍK,~U m. sh. ~Ë, ~ËT 1. Anëtar i krahut të moderuar të Partisë Social-Demokrate në Rusi në fillim të shekullit XX. Menshevikët rusë.
2. Ithtar i menshevizmit.

MENSHEVIZËM

MENSHEVÍZ/ËM,~MI m. Krahu i moderuar, jo leninist, i Partisë Social-Demokrate ruse në fillimin e shekullit XX, i cili përkrahte reformat graduale për të arritur socializmin.

MODERUAR

MODERÚAR (i, e) mb. 1. Që është i zbutur, që nuk kalon në ekstrem, i përmbajtur. U fut një dënim më i moderuar. Është kandidati më i moderuar presidencial. Përbën krahun më të moderuar të lëvizjes kombëtare.
2. si em. m. e f. Ai ose ajo që mban qëndrim të moderuar. Këta të moderuarit ishin ata që kundërshtonin.
✱Sin.: i butë, i matur, i përmbajtur, i kontrolluar, moderues.

MODERUES

MODERÚES,~E mb. 1. Që nuk kalon në ekstrem, i butë, i kontrolluar, i përmbajtur. Ka luajtur rol moderues në rajon. Në një moment moderues të bisedës. Frymë moderuese. Politikë moderuese.
2. Që drejton a menaxhon një emision, debat etj.
✱Sin.: i butë, i matur, i përmbajtur, i zbutur, i moderuar.

ZHIRONDIN

ZHIRONDÍN,~I m. sh. ~Ë, ~ËT Anëtar i partisë republikane të moderuar në pushtet gjatë Revolucionit Francez. Nuk janë të pasur sa zhirondinët.

ZHIRONDIN

ZHIRONDÍN,~E f. sh. ~Ë, ~ËT Anëtare e partisë republikane të moderuar në pushtet gjatë Revolucionit Francez.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë