Fjalori

Rezultate në përkufizime për “moderoj”

Mëso si ta përdorësh
<<< Kthehu te kërkimi kryesor në fjalor

ANIMATOR

ANIMATÓR,~I m. sh. ~Ë, ~ËT 1. Ai që nxit, që organizon, që udhëheq a që moderon një aktivitet apo një veprimtari kulturore, artistike, sportive etj. Animator i shfaqjes artistike. Animator i festivalit. Animatori i qendrës rinore.
2. film. Ai që krijon animime, që prodhon lëvizje për figura ose karaktere në filma të animuar, në lojëra kompjuterike ose në reklama; vizatues i lëvizjeve në një film vizatimor. Animator në filma televizivë.
3. fig., teatr. Artist që shpirtëzon kukullat për shfaqje të ndryshme; artist që lëviz e drejton kukullat në një shfaqje a film të animuar. Animator i lëvizjeve të kukullave.

ANIMATORE

ANIMATÓR/E,~IA f. sh. ~E, ~ET Ajo që nxit, që organizon, që udhëheq ose që moderon një veprimtari kulturore, artistike, sportive etj. Animatore e festivalit të dramës. Animatore e garës së recituesve.

MODERATOR

MODERATÓR,~I m. sh. ~Ë, ~ËT Drejtues i një i një emisioni, i një debati etj.; ai që moderon një program ose aktivitet të rëndësishëm. Moderatori i emisionit sportiv.

MODERATORE

MODERATÓR/E,~JA f. sh. ~E, ~ET Drejtuese e një i një emisioni, i një debati etj.; ajo që moderon një program ose aktivitet të rëndësishëm. Moderatorja e emisionit të ri.

MODEROHET

►MODER/ÓHET jovep., ~ÚA (u), ~ÚAR pës., vet. v. III e MODERÓJ. Më delikate është kur moderohet diskutimi.

MODEROJ

MODER/ÓJ vep., ~ÓVA, ~ÚAR kal. E drejtoj dhe e kontrolloj duke e mbajtur brenda kufijve të duhur që të mos kalojë në ekstreme (për një emision, një debat televiziv, një aktivitet të rëndësishëm etj.). Prezantuesi moderoi emisionin e darkës (një program sportiv). Gazetari moderoi një debat presidencial.

MODERUES

MODERÚES,~I m. sh. ~, ~IT Ai që moderon një emision, një debat etj.; moderator. Moderuesi i emisionit (i debatit).

MODERUESE

MODERÚES/E,~JA f. sh. ~E, ~ET Ajo që moderon një emision, një debat etj.; moderatore. Moderuesja e emisionit (i debatit).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë