Fjalori

Rezultate në përkufizime për “mobilim”

Mëso si ta përdorësh
<<< Kthehu te kërkimi kryesor në fjalor

ARANZHIM

ARANZHÍM,~I m. sh. ~E, ~ET libr. 1. Rregullim i diçkaje, vendosje në rregull e diçkaje (ngjarje, mobilim, lule, dekorim etj.). Aranzhim i takimeve. Aranzhim i thjeshtë i shtëpisë. Përpjekje për aranzhim. Ofertë aranzhimi. Bëj aranzhim.
2. Të organizuarit ose planifikimi i diçkaje. Aranzhoj një takim.
3. estet. Vendosje e elementeve të ndryshme në mënyrë estetike në hapësira dhe në mjedise të jashtme ose të brendshme (natyre, banimi, pune etj.). Aranzhimi i luleve. Aranzhim dhome. Aranzhim tavoline (i pjatave, i gotave, i luleve etj.) Aranzhim ambienti për festa (dasma, ditëlindje etj.).
4. muz. Të përshtaturit ose përpunimi i një vepre muzikore, adaptim. Aranzhimi i tekstit dhe muzikës. Aranzhimi i këngës. Aranzhim modern. Aranzhim i një orkestrimi.
✱Sin.: rregullim, mbarështim, matarim, ndreqje, organizim, sistemim, përgatitje, zbukurim, dekorim, përpunim, përshtatje.

ARREDIM

ARREDÍM,~I m. sh. ~E, ~ET 1. Veprimi kur arredoj ose kur arredohet një mjedis etj.
2. Mobilim, pajisje e shtëpisë me orendi. Arredim i dhomës (i shtëpisë, i zyrës, i ambientit etj.). Arkitekt për arredim. Arredim me shije. Mënyrë arredimi. Arredim me stil barok.
✱Sin.: rregullim, mobilim, pajisje, ndreqje, sistemim.

MOBILIM

MOBILÍM,~I m. sh. ~E, ~ET Pajisja me mobilie e një shtëpie, zyre etj. Mobilimi i dhomës (i zyrës, i shkollës). Mobilim i plotë (i pjesshëm). Bëj mobilimin e shtëpisë.

PARËNDUAR

PARËNDÚAR (i, e) mb. Që nuk është i rënduar; që nuk i është shtuar diçka tjetër nga gjendja fillestare; kund. i rënduar. Shpenzime të parënduara. Zbukurime të parënduara. Mobilim i parënduar.

TAKAMISJE

TAKAMÍSJ/E,~A f. sh. ~E, ~ET Pajisje e një mjedisi me orendi; mobilim. Takamisja e shtëpisë (e zyrës).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë