Fjalori

Rezultate në përkufizime për “mjeshtërisht”

Mëso si ta përdorësh
<<< Kthehu te kërkimi kryesor në fjalor

ALITERUAR

ALITERÚAR (i, e) mb., let. I përsëritur pandërprerë; aliterativ. Tingull i aliteruar. Varg i aliteruar mjeshtërisht. Një fjali e aliteruar me tingullin a.
✱Sin.: i përsëritur, aliterativ.

HOLLË-HOLLË

HÓLLË-HÓLLË ndajf. 1. Me hollësi të madhe, me shumë imtësi. E shoshitin hollë-hollë. Po të shqyrtohet hollë-hollë ngjarja....Në pyetshin hollë-hollë...
2. edhe fig. Me zë të hollë e me mjeshtëri. Ia merr këngës hollë-hollë.
✱Sin.: imtësisht, mjeshtërisht.

MJESHTËRISHT

MJESHTËRÍSHT ndajf. Me aftësitë dhe zotësinë e një mjeshtri, me mjeshtëri, në mënyrë mjeshtërore. E ndërtuan shtëpinë mjeshtërisht. Bust i punuar mjeshtërisht. Qëndis mjeshtërisht. E përdor vinçin mjeshtërisht. Flet mjeshtërisht. E tregoi (e shkroi) historinë mjeshtërisht.

PORTRETIZUAR

PORTRETIZÚAR (i, e) mb. I paraqitur a përshkruar me mjete letrare ose artistike. Njerëz mjeshtërisht të portretizuar. Figurë e portretizuar.

SAKSOFON

SAKSOFÓN,~I m. sh. ~A, ~AT muz. Vegël fryme prej tunxhi në trajtën e një gypi të lakuar që vjen duke u zgjeruar në grykë, me çelësa dhe me një kallam si të klarinetës në pipth. Pjesë për saksofon. I bie saksofonit mjeshtërisht. Sa herë ndihet melankolik, luan në saksofon. Kjo melodi me saksofon po më bën nostalgjik.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë