Fjalori

Rezultate në përkufizime për “misionar”

Mëso si ta përdorësh
<<< Kthehu te kërkimi kryesor në fjalor

APOSTULL

APÓSTU/LL,~LLI m. sh. ~J, ~JT fet. 1. Secili nga dymbëdhjetë dishepujt e zgjedhur prej Krishtit për të qenë dëshmitarë të jetës, mësimit, vdekjes dhe ringjalljes së Krishtit dhe për të përhapur ungjillin; libër fetar ku tregohet veprimtaria e tyre. Ai i thirri apostujt të rrinin me të. Apostujt udhëtuan në shumë qytete. Darka e fundit me apostujt.
2. Shenjtor apo misionar që i është përkushtuar përhapjes së besimit të krishterë; misionari i parë që ka sjellë krishterimin në një vend. Apostujt e shenjtë.
3. fig. Ai që i përkushtohet me zell të madh një ideje, një kauze ose një misioni shoqëror. Apostulli i pajtimit të gjaqeve. Apostujt e demokracisë. Apostull i lirisë (i së vërtetës). Apostull i dijes.
✱Sin.: predikues, dishepull, ithtar, nxënës, pasues, ndjekës, mbrojtës, mbështetës, përkrahës.

APOSTULLIM

APOSTULLÍM,~I m. sh. ~E, ~ET fet. Caktimi ose emërimi i misionarëve fetarë për të predikuar ose për të përhapur besimin e krishterë në zona të caktuara. Misionar i apostullimit.

EVANGJELIZËM

EVANGJELÍZ/ËM,~MI m., fet. Drejtim i krishterë që ndjek dhe praktikon mësimet e ungjijve dhe që përqendrohet tek shpallja e ungjillit. Çfarë i përgjigjet evangjelizmit të vërtetë. Ndihma ndërthuret me evangjelizëm. Kanë përqafuar evangjelizmin. Projekt misionar i mbështetur mbi evangjelizmin.

MISIONAR

MISIONÁR,~I m. sh. ~Ë, ~ËT 1. fet. Pjesëtar i një misioni fetar. Misionar i kishës ortodokse (katolike, ungjillore). Shkollat e misionarëve. Misionarët përhapnin fenë e krishterë.
2. Ai që ngarkohet me detyrë të posaçme për të përhapur një ideologji, një doktrinë etj. Si intelektual model, sillte me vete mentalitetin e misionarëve përparimtarë europianë.

MISIONAR

MISIONÁR,~E mb. Që lidhet me misionin, që i takon misionit, i misionit. Detyrë me karakter misionar. Merrej me punë misionare. Ofrojnë shërbime sociale e misionare.

ZGJUES

ZGJÚES,~E mb. 1. edhe fig. I zgjimit, që të zgjon, që lidhet me zgjimin. Sinjal (tingull, telefon) zgjues. Efekt zgjues. Çekan zgjues. Thirrje zgjuese. Dridhje zgjuese. Vetëtimë zgjuese. Një zë zgjues i ndërgjegjes kombëtare.
2. si em. m. e f. Sipas kuptimit të mbiemrit. Zgjues i zakonshëm. Zgjues i ndërgjegjes së shtypur. Kërkonin një zgjues të përshtatshëm. Ishin zgjues të vetëdijes politike. Mësuesi është zgjues i imagjinatës dhe misionar i dijes. (fj. u.).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë