Fjalori

Rezultate në përkufizime për “mirësoj”

Mëso si ta përdorësh
<<< Kthehu te kërkimi kryesor në fjalor

MIROS

MIRÓSI vep., ~A, ~UR bised., kal. 1. E bëj më mirë, përmirësoj, mirësoj. Miros shtëpinë. Miros tokën (arën) me pleh.
2. Pajtoj dy vetë a dy palë.
✱Sin.: përmirësoj, mirësoj, pajtoj.

MIRËSIM

MIRËSÍM,~I m. sh. ~E, ~ET Veprimi kur mirësoj ose kur mirësohem, përmirësim. Liria është baza e mirësimit dhe përparimit të një populli.

MIRËSOJ

MIRËS/ÓJ vep., ~ÓVA, ~ÚAR bised., kal. 1. E bëj më mirë nga ç’ishte, e përmirësoj; kund. çmirësoj. Përtërijmë dhe mirësojmë atë që na kanë lënë prindërit. Mirëson tokën. E mirësoi punën. Vepron për të mirësuar botën. Mirëson kushtet e punës. Mirësoj racën (e një kafshe). E mirësuan aplikacionin telefonik.
2. I bëj të mira dikujt, e mbush me të mira. E mirësoi vendin (shtëpinë).

PËRMIRËSOJ

PËRMIRËS/ÓJ vep., ~ÓVA, ~ÚAR kal. 1. E bëj diçka më të mirë e më të përsosur; e bëj më të mirë gjendjen e dikujt a të diçkaje; ngre vlerën a cilësinë e diçkaje, i bëj përmirësime; kund. keqësoj. Përmirësoj punën. Përmirësoj metodën (stilin) në mësimdhënie. Përmirëson shëndetin. Përmirësoi gjendjen ekonomike. Përmirësoj marrëdhëniet.
2. bujq. Ngre a shtoj prodhimtarinë e tokës, duke hapur kanale kulluese e ujitëse, duke e plehëruar dhe duke krijuar në përgjithësi kushte natyrore më të mira. Përmirësuan fushat (mijëra hektarë tokë).
3. sport. Arrij tregues më të lartë në një fushë të sportit a në një garë sportive. Përmirësoi rekordin kombëtar.
✱Sin.: mirësoj, miros, rregulloj, ndreq, ngre, shëndosh, shëroj, mëkëmb, përsos, shmang, rris, shtoj, thyej, fisnikëroj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë