Fjalori

Rezultate në përkufizime për “mirësohem”

Mëso si ta përdorësh
<<< Kthehu te kërkimi kryesor në fjalor

MIROSEM

►MIRÓS/EMI jovep., ~A (u), ~UR bised. 1. vetv. Bëhem më mirë nga gjendja ekonomike, përmirësohem, mirësohem; e rregulloj punën, e vë në rrugë të mbarë. U miros vendi. U miros me martesën që bëri mori pajë, mori mitë dhe kështu e ndreqi punën.
2. vetv. Pajtohem me dikë. Janë mirosur e shkojnë mirë tani.
3. pës. e MIRÓS.
✱Sin.: përmirësohem, mirësohem, pajtohem.

MIRËSIM

MIRËSÍM,~I m. sh. ~E, ~ET Veprimi kur mirësoj ose kur mirësohem, përmirësim. Liria është baza e mirësimit dhe përparimit të një populli.

PËRMIRËSOHEM

►PËRMIRËS/ÓHEM jovep., ~ÓVA (u), ~ÚAR 1. vetv. E marr mirë veten pas një sëmundjeje, nis të më kthehet shëndeti, bëhem më mirë nga shëndeti; kund. keqësohem. U përmirësua shpejt. U përmirësua pas operacionit.
2. vetv., vet. v. III Bëhet më mirë se ç’ishte; rregullohet. Janë përmirësuar kushtet e punës (të studimit). Shëndeti iu përmirësua. U përmirësua koha. Janë përmirësuar marrëdhëniet.
3. pës. e PËRMIRËSÓJ.
✱Sin.: mirësohem, mirosem, rregullohem, ndreqem, ngrihem, shëndoshem, mëkëmbem, përsosem, zihem, kapem, piqem.

SHËNDOSHEM

►SHËNDÓSH/EM jovep., ~A (u), ~UR 1. vetv. Më rikthehet shëndeti, bëhem i shëndoshë, shërohem (pas një sëmundjeje); më mbyllet një plagë; kund. ligem. U shëndosh krejtësisht. Iu shëndosh dora (këmba, gjuri). U shëndosh e vrara. Iu deshën disa kohë të shëndoshej.
2. vetv. Mbushem në trup, vë mish e dhjamë; ngjallem, shtoj në peshë, trashem. U shëndosh shumë gjatë festave. - Sa qenka shëndoshur! Mbushem edhe duke pirë ujë.
3. vetv., vet. v. III Bëhet më pjellore (zakonisht për tokën), pasurohet. Është shëndoshur toka.
4. fig., vetv. Qetësohem nga një plagë shpirtërore, lehtësohem; çlirohem nga një detyrim. Shëndoshem nga sëmundjet shpirtërore. Nuk shëndoshem pa i sjellë fëmijët shëndoshë e mirë.
5. fig., vet. v. III Kthehet në gjendje të mirë, përmirësohet, bëhet i shëndoshë e i fortë. Shëndoshet gjendja ekonomike. U shëndoshën marrëdhëniet mes tyre. Shëndoshet fondi i sigurimit të depozitave në banka. Shëndoshet familja. S’shëndoshet (s’majmet) kau ditën që do të theret. (fj. u.).
6. pës. e SHËNDÓSH. Shëndoshem nga ushqimi i darkës. Shëndoshet nga qëndrimi në shtëpi.
✱Sin.: shërohem, majmem, mbrinjem, përmirësohem, mirësohem, kërtylem, harlisem, kërthndezem, këndellem, mbushem, ngjallem, trashem, dhjamem, dhjamosem, fryhem, rëndohem, lehtësohem, përmirësohem, mirësohem, zbukurohem, rregullohem, ndreqem, përtëritem, kërpitem, rinohem, pasurohet, pjellorohet.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë