Fjalori

Rezultate në përkufizime për “miop”

Mëso si ta përdorësh
<<< Kthehu te kërkimi kryesor në fjalor

DRITËSHKURTËR

DRITËSHKÚRTËR mb.[ DRITËSHKÚRTË] 1. mjek. Që nuk mund të shohë mirë larg, por që sheh mirë afër, miop; kund. dritëgjatë, dritëlargët. Njeri dritëshkurtër. Sy dritëshkurtër.
2. fig. Që nuk i gjykon dot thellë gjërat; që e shikon cekët një çështje a një problem; që nuk është i aftë të parashikojë zhvillimin e ngjarjeve, që nuk i parashikon dot pasojat e diçkaje, që nuk sheh larg, nuk sheh më larg (më tutje) se hunda e vet (përtej hundës së vet); kund. largpamës. Njeri (politikan) dritëshkurtër. Politikë dritëshkurtër. Ishte njeri dritëshkurtër. Vërtet u tregua dritëshkurtër.
3. libr. Që ndriçon për pak kohë; që nuk ndriçon shumë larg. Fener (kandil) dritëshkurtër.

DRITËSHKURTËR

DRITËSHKÚRT/ËR,~RI m. sh. ~ËR, ~ËRIT mjek. Ai që nuk shikon mirë larg, miop; kund. dritëgjatë.
2. fig., keq. Njeri i paaftë t’i gjykojë thellë gjërat, i cekët në shikimin e një çështjeje a problemi, i paaftë të parashikojë zhvillimin e ngjarjeve a pasojat.

HIPERMETROP

HIPERMETRÓP,~I m. sh. ~Ë, ~ËT mjek. Ai që vuan nga hipermetropia, që mund të shohë shumë larg, por nuk sheh shumë mirë afër; dritëlargët; kund. miop.

MIOP

MIÓP,~I m. sh. ~Ë, ~ËT Ai që është miop, dritëshkurtër (edhe fig.). Syze për miopët.

MIOP

MIÓP,~E mb. 1. Që nuk arrin të shohë mirë larg, por sheh mirë nga afër, dritëshkurtër. Me sy miopë. Nga vizita doli se ishte miop.
2. fig. Që nuk ka largpamësi, dritëshkurtër. Njerëz (politikanë) miopë. Administratë miope.

MIOPI

MIOPÍ,~A f. 1. mjek. Të qenët miop, dritëshkurtësi. Miopi e theksuar. Miopi e lindur. Miopi e krijuar nga ekrani i telefonit.
2. fig. Mungesë e të qenët largpamës, dritëshkurtësi. Arsyetimi i tij u pa si shprehje miopie. Treguan miopi politike.

PEC

PEC,~E mb. Dritëshkurtër, miop. Fëmijë pec.

PRESBIT

PRESBÍT,~I m. sh. ~Ë, ~ËT Dritëgjatë; kund. dritëshkurtër, miop. Syze për presbitët.

PRESBIT

PRESBÍT,~E mb., mjek. Dritëgjatë; kund. dritëshkurtër, miop. Njeri presbit. Grua presbite.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë