Fjalori

Rezultate në përkufizime për “minimumi”

Mëso si ta përdorësh
<<< Kthehu te kërkimi kryesor në fjalor

MAKSIMUMI

MAKSIMÚMI ndajf. Të shumtën, shumë-shumë; jo më shumë se (me fjalë që shënojnë sasi); kund. minimumi. Ka punuar maksimumi dy vjet. Maksimumi për tri ditë jam aty. Keni maksimumi edhe dy minuta kohë. Maksimumi, të lihet një afat dymujor. Zgjedhjet do të bëhen maksimumi deri në prill. Masa e gjobës është maksimumi 500 apo 1000 lekë.

MINIMUM

MINIMÚM,~I m. sh. ~E, ~ET 1. kryes. nj. Sasia më e vogël ose shkalla më e ulët ndër të tjerat në një radhë të caktuar, madhësia minimale; caku më i ulët a më i poshtëm deri ku mund të arrijë diçka; më e pakta; kund. maksimum. Minimumi i domosdoshëm i mjeteve për të jetuar. Minimumi i njohurive. Minimumi i mundësive. Minimumi i të ardhurave (i shpenzimeve). Minimumi i kohës (i punës, i pagës). Minimumi është tri ditë. Pakësohet uji i lumit në minimum. Dha (mori) minimumin në punë. Ofron minimumin e shërbimeve. Rriten minimumet dhe maksimumet e vlerave ekstreme të temperaturave të motit. Minimum biologjik (biol.) caku më i ulët temperaturës, prej të cilit fillojnë proceset jetësore të organizmave dhe nën të nuk vazhdojnë.
2. drejt., bised. Dënimi më i vogël; kund. maksimum. I dhanë minimumin. U dënua me minimumin. Rriten në mënyrë të qartë të gjitha minimumet e dënimeve.
3. meteor. Zonë e shtypjes atmosferike më të ulët; kund. maksimum.

MINIMUMI

MINIMÚMI ndajf. Të paktën; më e pakta; jo më pak se (me fjalë që shënojnë sasi); kund. maksimumi. Minimumi duhet ulur vlera e biletës. I duheshin minimumi 200 euro. Një e paguan dhe minimumi katër i mban për vete. Kishte minimumi treqind vetë në sallë. Minimumi ditën e mërkurë duhet të keni dhënë një mendim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë