Fjalori

Rezultate në përkufizime për “mikro”

Mëso si ta përdorësh
<<< Kthehu te kërkimi kryesor në fjalor

MAKRO-

MÁKRO- fjalëform. 1. Pjesë e parë e fjalëve të përbëra, që i përgjigjet nga kuptimi fjalës i madh, p.sh. makrofaunë, makroevolucion, makroklimë, makromolekulë, makrosistem, makrostrukturë, makroskopik etj.; kund. mikro-.
2. Pjesë e parë e fjalëve të përbëra, që i përgjigjet nga kuptimi diçkaje që lidhet me gjithë fushën a sferën sesa me një pjesë specifike ose të detajuar të saj.

MIKRO

MÍKRO mb. Që është në nivel bazik, i ulët, i vogël; kund. makro. Vendime ekonomike në nivel mikro. Niveli mikro i kërkimit. Faktorët mikro që ndikojnë në strategjinë e biznesit.

MIKRO-

MIKRO- fjalëform. Pjesë e parë e fjalëve të përbëra, që i përgjigjet kuptimit të fjalës i vogël, p.sh. mikroalbum, mikrobotë, mikroekonomi, mikrofaunë, mikrofilm, mikroklimë, mikrokozmos, mikroorganizëm, mikrosistem, mikrovalë etj.; kund. makro-.

MIKROEKONOMI

MIKROEKONOMÍ,~A f., ek. Studimi se si bizneset, familjet dhe individët shpërndajnë burime të kufizuara brenda një ekonomie. Mikroekonomia merret me vendimet ekonomike të bëra në një nivel të ulët ose mikro. Mikroekonomi bujqësore degë e ekonomisë që studion problemet ekonomike të fermave të veçanta, faktorët e prodhimit bujqësor dhe mundësitë e maksimalizimit të të ardhurave bujqësore familjare.

MIKROFISHË

MIKROFÍSH/Ë,~A f. sh. ~A, ~AT teknol. Fishë audiovizuale e nivelit mikro. Mikrofishë njëngjyrëshe me polaritet negativ. Mikrofishë e planifikuar për t’u skanuar në të ardhmen.

MIKROFORMË

MIKROFÓRM/Ë,~A f. sh. ~A, ~AT teknol. Emërtim i përgjithshëm për mjete audiovizuale të nivelit mikro (mikrokartë, mikroskedë, kasetë mikrofilmi, bobinë mikrofilmi, kasetë me mikrofishë, shirit mikrofilmi etj.). Mikroforma kërkon pajisje të posaçme për lexim. Përdor makina leximi të mikroformave.

MIKROKARTË

MIKROKÁRT/Ë,~A f. sh. ~A, ~AT teknol. Kartë audiovizuale e nivelit mikro. Të dhënat e intervistave ruheshin në arkiva në formën e mikrokartave.

MIKROKOPJE

MIKROKÓPJ/E,~A f. sh. ~E, ~ET teknol. Kopje audiovizuale e nivelit mikro. Mikrokopje në material transparent e prodhuar me anë të filmimit. Mikrokopje të librave.

MIKROSKEDË

MIKROSKÉD/Ë,~A f. sh. ~A, ~AT teknol. Skedë audiovizuale e nivelit mikro. Informacionet në mikroskeda lidhur me llogaritë bankare.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë