Fjalori

Rezultate në përkufizime për “mikeshë”

Mëso si ta përdorësh
<<< Kthehu te kërkimi kryesor në fjalor

ARMIKE

ARMÍK/E,~JA f. sh. ~E, ~ET Ajo që i do të keqen një tjetri a një tjetre, që e urren atë dhe që përpiqet ta dëmtojë; kundërshtare; kund. mike, mikeshë. Armike të përhershme. Prej mike u kthyen në armike. Në debat u shfaqen si armike.
✱Sin.: kundërshtare, urrejtëse, rivale, shemër.

DARKËTARE

DARKËTÁR/E,~JA f. sh. ~E, ~ET Ajo që vjen në shtëpi si e ftuar për darkë; mysafire, mike, mikeshë.

JARANE

JARÁN/E,~JA f. sh. ~E, ~ET vjet. Mikesha e zemrës ose e dashura e një djali a e një burri; dashnore.
✱Sin.: dashnore, e dashur, jaraneshë, mikeshë.

JARANESHË

JARANÉSH/Ë,~A f. sh. ~A, ~AT vjet. Mikesha e zemrës ose e dashura e një djali a e një burri. S’ma ka kush këtë jaraneshë! Kishin jaranesha në Krajli.
✱Sin.: dashnore, e dashur, jarane, mikeshë.

KUNATË

KUNÁT/Ë,~A f. sh. ~A ~AT 1. Motra e gruas ose e burrit; gruaja e vëllait; kunatolle. Kam dy kunata.
2. Mikeshë familjare.

MIKE

MÍK/E,~JA f. sh. ~E, ~ET 1. Ajo me të cilën kemi miqësi; ajo që na do të mirën, na ndihmon me gjithë zemër e na gjendet në çdo nevojë; një e njohur me të cilën kemi lidhje të ngushta, e afërmja ime; kund. armike. Zura një mike e re. Kam një mike të huaj. Jemi mike me njëra-tjetrën. Takova një mike të vjetër.
2. Ajo që përkrah, ndihmon ose mbron dikë, dashamire; popull, vend, shtet etj., me të cilin kemi marrëdhënie të mira miqësore. Mike e Shqipërisë. Mike e madhe e lirisë së popujve.
3. Mysafire që vjen për të bujtur në shtëpi; ajo që ftohet për të marrë pjesë në një festë etj. Më erdhën disa mike për drekë.
4. Përkrahëse e mbrojtëse e diçkaje, dashamire; ai që është shumë i dhënë pas diçkaje. Mike e kafshëve. Mike të librit.
5. bised. Vajzë a grua të cilës nuk ia dimë emrin ose nuk duam t’ia përmendim. E takove atë miken? Çfarë thoshte ajo mikja?
6. bised. Dashnore, e dashur. Kam një mike, një lanetë, në kurbet s’më le të vete. Zura një mike suljote, naze-naze puna jote.
✱Sin.: mikeshë, shoqe, mbrojtëse, përkrahëse, dashnore, e dashur, jarane.

MIKESHË

MIKÉSH/Ë,~A f. sh. ~A, ~AT Mike. Iu kujtua mikesha e tij e vjetër. Kishte një mikeshë të ngushtë. Kam miq e mikesha. Erdhi si mikeshë. Foli në prani të mikeshës së saj. Çohu, mikesha ime, pëllumbesha ime, bukuroshja ime dhe eja!

MIKESHËZ

MIKÉSHËZ,~A f. sh. ~A, ~AT përk. Mikeshë. Takoi mikeshëzën e vet.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë