Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
MIDÍSTË (i, e) mb. 1. Që ndodhet në mes, midisës, i ndërmjetëm. Kapaku i midistë. Në një hapësirë të midistë. Një natë e midistë. Në këtë kohë të midistë. Në fazën e midistë.
2. Që ndërmjetëson midis dy palëve, ndërmjetësues. Një mision i midistë.
3. Që ka tipare të përbashkëta nga dy llojeve a dy gjinive të ndryshme, por nuk i përket asnjërës prej tyre, hibrid, manush, hermafrodit, midisës. Qenie e midistë; as qiellore e as tokësore.
✱Sin.: i ndërmjetëm, i mesëm, ndërmjetësues, hibrid, manush, hermafrodit, midisës.
MIDÍSËS,~E mb. 1. Që ndodhet në mes, i ndërmjetëm. Në territorin midisës të vendlindjes. Orë të tëra pritjeje në destinacionet midisëse. Ishte në një zonë midisëse. Koha midisëse: as jetë, as vdekje.
2. Që mban qëndrim të ndërmjetëm. Prej çdokujt kërkohet që të mos jetë midisës, dykahësh e askahësh.
3. Që ka tipare të përbashkëta nga dy llojeve a dy gjinive të ndryshme, por nuk i përket asnjërës prej tyre, hibrid, manush, hermafrodit, i midistë.
✱Sin.: i mesëm, i ndërmjetëm, hibrid, manush, hermafrodit, i midistë.
NDËRMJÉT/ËM (i), ~ME (e) mb. 1. Që ndodhet në mes të dy gjërave a të dy njerëzve, midisës, i midistë. Dhoma e ndërmjetme. Kat i ndërmjetëm. Çmim i ndërmjetëm. Rol i ndërmjetëm.
2. Që zë një vend kalimtar midis dy gjërave a midis dy dukurive, që shërben si pikë lidhjeje në mes të dy gjërave a dy dukurive; që është në mes të dy anëve të kundërta. Hallkë e ndërmjetme. Qëndrim i ndërmjetëm. Elemente të ndërmjetme. Zë një vend të ndërmjetëm. Shtet i ndërmjetëm. Prodhim i ndërmjetëm lëndë druri, e hequr nga pylli nëpërmjet prerjeve të kujdesimit, nga momenti i krijimit të gjendjes së masivit e deri në shfrytëzueshmëri.
3. gjuh. Që futet ndërmjet gjymtyrëve të fjalisë ose brenda një fjalie tjetër e veçohet nëpërmjet intonacionit, pa u lidhur formalisht nga ana gramatikore me asnjërën nga gjymtyrët dhe që shpreh qëndrimin e folësit ndaj asaj që thotë. Fjalë e ndërmjetme. Fjali e ndërmjetme.
4. Që nuk është as i mirë, as i keq; mesatar. Raport i ndërmjetëm. Opinion i ndërmjetëm. Propozim i ndërmjetëm. Produkt i ndërmjetëm. Projektvendimi i ndërmjetëm për marrje provash në seancë dëgjimore.
5. dogan. Mallra me regjim të ndërmjetëm quhen ato mallra që kalojnë tranzit nëpër një vend dhe si të tilla nuk paguajnë në këtë vend tarifë doganore.
✱Sin.: ndërmjetës, i ndërmjetshëm, i ndërmjemë, kalimtar, i mesëm, midisës, i midistë, i ndërkallur, i ndërfutur, mesatar.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë