Fjalori

Rezultate në përkufizime për “meteorit”

Mëso si ta përdorësh
<<< Kthehu te kërkimi kryesor në fjalor

AKONDRIT

AKONDRÍT,~I m. sh. ~Ë, ~ËT miner., meteor. Meteorit i gurtë, që përmban metale, silikate, si dhe kristale olivini. Akondrite primitive. Akondrite asteroidale. Akondrite hënore dhe marsiane copa shkëmbinjsh nga sipërfaqja e Hënës ose e Marsit që kanë arritur në Tokë si meteoritë.

METEOR

METEÓR,~I m. sh. ~Ë, ~ËT astr. 1. Trup i vogël qiellor, i cili hyn me shpejtësi të madhe në atmosferën tokësore prej hapësirës ndërplanetare dhe nga fërkimi me ajrin thërrmohet e digjet, duke lënë pas një bisht të shndritshëm; yll me bisht. Me shpejtësinë e meteorit. Ra një meteor. Shndriti si meteor ndriti vetëm për pak çaste; (fig.) shkëlqeu fare pak dhe u zhduk menjëherë.
2. fig. Dikush a diçka që shquhet a shfaqet shpejt dhe vetëm për një kohë shumë të shkurtër. Qe vetëm një meteor.

METEORIK

METEORÍK,~E mb. 1. Që lidhet me meteorin ose me meteorët, që është karakteristik për një meteor, i meteorit ose i meteorëve; që përbëhet nga një meteor ose nga meteorët. Gurë meteorikë. Shi meteorik. Ujërat meteorike. Goditje meteorike. Stuhi meteorike.
2. fig. Që ndodh shumë shpejt apo për një kohë shumë të shkurtër. I shkroi fjalimet gjatë periudhës së tij meteorike në krye të shtetit. Bëri një karrierë meteorike.

METEORIT

METEORÍT,~I m. sh. ~Ë, ~ËT astr. Trup i ngurtë, shumë i ngjashëm me gurët tokësore, që bie nga hapësira qiellore në Tokë. Meteorit i madh. U gjet një meteorit.

SIDERIT

SIDERÍT,~I m. 1. min. Mineral me ngjyrë kafe, që përmban karbonat hekuri. Kjo zonë është pasur me siderit.
2. astr. Meteorit me përbërje nikeli dhe hekuri. Punimi shkencor trajtonte edhe sideritin.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë