Fjalori

Rezultate në përkufizime për “metalurgji”

Mëso si ta përdorësh
<<< Kthehu te kërkimi kryesor në fjalor

ARSENIK

ARSENÍK,~U m., kim. 1. Element kimik i fortë, me ngjyrë të përhimët e me shkëlqim metalik dhe veti helmuese, që gjendet në natyrë në shumë minerale (simboli As); metaloid, që ka veti të metaleve dhe të jometaleve. Arsenik i verdhë (i zi). Arsenik i bardhë.
2. Lëndë shumë e helmët, e përbërë nga ky trup i thjeshtë dhe nga oksigjeni, që përdoret në bujqësi, në industri, në metalurgji, në industrinë elektronike, në mjekësi etj.; bar minjsh. Arseniku i plumbit. Helmim nga arseniku.

BOR

BOR,~I m., kim. Element kimik, jometal i fortë, me ngjyrë të zezë, që hyn në përbërjen e disa mineraleve dhe që përdoret në metalurgji e në mjekësi (simboli B). Bor i pastër. Oksidi i borit. Hidridet e borit.

METALURG

METALÚRG,~E mb. Që punon në metalurgji, që merret me shkrirjen e metaleve. Inxhinier metalurg. Punëtor (teknik, inxhinier) metalurg.

METALURG

METALÚRG,~U m. sh. ~Ë, ~ËT Ai që punon në metalurgji, ai që merret me shkrirjen e metaleve. Shpërblimi i metalurgut. Metalurgët e uzinës. Greva preku metalurgët.

METALURGE

METALÚRG/E,~JA f. sh. ~E, ~ET Ajo që punon në metalurgji, ajo që merret me shkrirjen e metaleve. Metalurget punonin me turne.

METALURGJI

METALURGJÍ,~A f. 1. Degë e industrisë së rëndë që merret me prodhimin e metaleve e të lidhjeve të tyre nga mineralet e nga disa lëndë të tjera të para, si dhe me përpunimin e tyre. Metalurgjia e zezë. Metalurgjia me ngjyra. Metalurgjia përpunuese. Metalurgjia e bakrit. Uzina e metalurgjisë. Punëtorët dhe teknikët e metalurgjisë.
2. Shkenca që merret me mënyrat e prodhimit të metaleve, të lidhjeve të tyre si edhe të përpunimit të tyre. Shfrytëzimi i energjisë së ujit në metalurgji.

SIDERURGJI

SIDERURGJÍ,~A f. Degë e industrisë së rëndë që merret me shkrirjen e mineralit të hekurit, me derdhjen e gizës e të çelikut dhe me përpunimin e tyre të parë; metalurgji e zezë. Zhvillimi i shpejtë i siderurgjisë. Punonte në sektorin e siderurgjisë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë