Fjalori

Rezultate në përkufizime për “metaforik”

Mëso si ta përdorësh
<<< Kthehu te kërkimi kryesor në fjalor

EMËRZUES

EMËRZÚES,~E mb., gjuh. 1. Që e kthen në emër një njësi tjetër gjuhësore; që emërzon. Nyje emërzuese. Prapashtesë emërzuese. Togu emërzues i epitetit metaforik. Përdorimi emërzues.
2. Emërtues. Procedura emërzuese. Norma emërzuese.

FIGURSHËM

FIGÚRSH/ËM (i), ~ME (e) mb., gjuh. Që nuk përdoren në kuptimin e tyre të drejtpërdrejtë, po në një kuptim të prejardhur, i cili lidhet me të parin nëpërmjet ngjashmërisë, krahasimit etj.; që shpreh diçka nëpërmjet një figure. Fjalë e figurshme. Shprehje e figurshme. Kuptim i figurshëm. Shkruaj në mënyrë të figurshme.
✱Sin.: figurativ, metaforik, i fytyruar.

METAFORIK

METAFORÍK,~E mb., let., gjuh. 1. Që është përdorur me kuptim të figurshëm, të mbështetur në krahasim, që është një metaforë. Kuptim metaforik. Fjalë (frazë, shprehje) metaforike. Varg metaforik. Në mënyrë metaforike.
2. Që ka shumë metafora, i pasur me metafora; i figurshëm. Stil metaforik. Ligjëratë metaforike.

PALIMPSEST

PALIMPSÉST,~I m. sh. ~E, ~ET 1. Pergamenë e përdorur disa herë për t’u shkruar.
2. Tekst metaforik, me disa shtresa kuptimore.

TROPOLOGJI

TROPOLOGJÍ,~A f., let. Fushë studimi i figurave stilistike të gjuhës, që përdorin ndryshime në kuptim ose përdorim metaforik të fjalëve, për të arritur një efekt të caktuar;përdorim i figurshëm i gjuhës. Doktoratë në lëmin e tropologjisë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë