Fjalori

Rezultate në përkufizime për “metaforë”

Mëso si ta përdorësh
<<< Kthehu te kërkimi kryesor në fjalor

ALEGORI

ALEGORÍ,~A f. sh. ~, ~TË 1. let. Shprehje e ideve dhe e mendimeve në një vepër artistike tërthorazi, nëpërmjet figurave të gjalla e konkrete; metaforë e gjatë; vepër artistike e ndërtuar me figura të tilla. Përdor alegorinë. Alegoria komike. Alegoria e personazheve. Gjeneza e alegorisë.

2. Fjalë ose shprehje, prapa të cilave fshihet një domethënie tjetër, shprehje e tërthortë. Me gjuhën e alegorisë. Flet me alegori. Alegoria e kujtesës. Alegoria politike. Të kuptuarit e alegorisë. Alegori filozofike. Alegori politike.

3. stil. Figurë stilistike që shfrytëzohet në letërsi, në artet pamore dhe në muzikë. Alegoria në arte. Alegoria e pikturës.

EPITETIK

EPITETÍK,~EI mb. let. Që lidhet me epitetin, i epitetit; që është krijuar prej epitetesh. Ndërtimi epitetik. Krijoi edhe një fjalor epitetik. Segment epitetik. Cilësime epitetike. Metaforë epitetike.

EROTIZIM

EROTIZÍM,~I m. sh. ~E, ~ET let. Veprimi kur erotizoj dikë a diçka ose kur erotizohet. Erotizimi i filmave shqiptarë. Erotizimi i shndërruar në metaforë.

IMAZH

IMÁZH,~I m. sh. ~E, ~ET libr. 1. Figurë e riprodhuar e një sendi, që del nga pasqyrimi i tij në një sipërfaqe të lëmuar a të ndritshme; shëmbëlltyrë. Imazh i qartë (i shtrembëruar, i zmadhuar). Formohet një imazh.
2. Pamje, figurë a shëmbëlltyrë e një njeriu, e një sendi, e një dukurie etj., që riprodhohet në mendjen tonë në bazë të perceptimeve dhe të përshtypjeve të mëparshme pa qenë aty vetë ky njeri, ky send, kjo dukuri etj.; përfytyrim a riprodhim besnik ose shumë i përafërt i dikujt a i diçkaje; pamje që na sjell diçka parasysh; pamje, figurë që mishëron diçka. Imazh i gëzueshëm (tronditës). Imazhi i fshatit (i qytetit, i vendlindjes). Imazhi i djalit (i vajzës, i nënës). Imazhi i trimërisë (i luftës, i mjerimit). Imazhi i vdekjes. Iu shfaq (i doli) një imazh.
3. let. Figurë artistike që ndërtohet me alegori me metaforë, me krahasim etj. Imazhe artistike (realiste, poetike). Imazhe të njohura. I mbushur me imazhe. Jepet nëpërmjet imazhesh.
✱Sin.: shëmbëlltyrë, pamje, figurë.

METAFORIK

METAFORÍK,~E mb., let., gjuh. 1. Që është përdorur me kuptim të figurshëm, të mbështetur në krahasim, që është një metaforë. Kuptim metaforik. Fjalë (frazë, shprehje) metaforike. Varg metaforik. Në mënyrë metaforike.
2. Që ka shumë metafora, i pasur me metafora; i figurshëm. Stil metaforik. Ligjëratë metaforike.

METAFORIKISHT

METAFORIKÍSHT ndajf., let., gjuh. Në mënyrë metaforike, si metaforë.

METAFORIZIM

METAFORIZÍM,~I m. sh. ~E, ~ET let., gjuh. Marrja e tipareve të metaforës, kthimi në metaforë.

METAFORIZOHET

►METAFORIZ/ÓHET jovep., ~ÚA (u), ~ÚAR vetv., vet. v. III Merr cilësitë e metaforës, kthehet në metaforë.

METAFORIZOJ

METAFORIZ/ÓJ vep., ~ÓVA, ~ÚAR let., gjuh., kal. E kthej në metaforë. Metaforizoj elementet e jetës.

METAFORIZUAR

METAFORIZÚAR (i, e) mb., let., gjuh. Që është kthyer në metaforë; që është përdorur si metaforë; që shprehet si metaforë. Realitet i metaforizuar. Imazh i metaforizuar në poezi.

METAFORË

METAFÓR/Ë,~A f. sh. ~A, ~AT let., gjuh. Figurë e ligjërimit në të cilën një fjalë ose grup fjalësh që në kuptimin e zakonshëm tregojnë diçka, përdoren për të treguar diçka tjetër duke u mbështetur në një krahasim i nënkuptuar (p.sh. vullnet i hekurt, e ka zërin bilbil, e ka zemrën flori, jeta është një det me dallgë etj.); përdorimi i një fjale a i një shprehjeje me kuptim të figurshëm në bazë të krahasimit sipas ngjashmërisë; fjala a shprehja e përdorur me këtë kuptim. Metaforë e thjeshtë. Metaforë letrare (gjuhësore).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë