Fjalori

Rezultate në përkufizime për “meskëputur”

Mëso si ta përdorësh
<<< Kthehu te kërkimi kryesor në fjalor

BELHOLLË

BELHÓLLË mb. 1. Që e ka belin të ngushtë, meshollë; kund. beltrashë. Vajzë (grua) belhollë.
2. si em. f. Sipas kuptimit të mbiemrit. Lot belholla me një mollë, / Hidh përpjetë e prit me dorë. (folk.). Mana gjeta, mana mblodha, / Po m’i hëngri ajo belholla. (folk.). Na del e na hyn një belhollë, / I thotë babait - Martomë! (folk.).
✱Sin.: meshollë, belkëputur, meskëputur.

BELKËPUTUR

BELKËPÚTUR mb. 1. Që e ka belin shumë të hollë, meskëputur; kund. beltrashë. Vajzë belkëputur. Bukuroshja belkëputur. Kur ulesh nga mali, / O moj vajzë e bukur, / Supegjerë e belkëputur. (folk.).
2. si em. f. Sipas kuptimit të mbiemrit. Belkëputura flokëgështenjë, / Ç’pate që s’më erdhe mbrëmë. (folk.). Thonë ç’e zuri trimi, / O moj belkëputurën. (folk.).

BELUNAZË

BELUNÁZË mb., poet. 1. Që e ka belin shumë të hollë, meskëputur, belkëputur; kund. beltrashë. Vajzë belunazë.
2. si em. f. Sipas kuptimit të mbiemrit. Belunazë flokëzezë. (folk.).

MESHOLLË

MESHÓLLË mb. [lexo: MES-HÓLLË] Që e ka mesin të ngushtë, belhollë. Vajzë meshollë.
✱Sin.: belhollë, mesunazë, belunazë, meskëputur, mespurtekë, mesdredhur, mespërdredhur, meslakore.

MESKËPUTUR

MESKËPÚTUR mb. Që e ka mesin shumë të hollë, belkëputur, mesunazë. Vajzë meskëputur.
✱Sin.: meshollë, belhollë, mesunazë, belunazë, mespurtekë, mesdredhur, mespërdredhur, meslakore.

MESLAKORE

MESLAKÓRE mb. Meshollë, meskëputur.

MESUNAZË

MESUNÁZË mb. Që e ka mesin shumë të ngushtë, meshollë, meskëputur (për një vajzë a grua).

MONOPAT

MONOPÁT,~E mb. 1. Që është meskëputur dhe ecën duke u mënjanuar në të dy krahët Djalë monopat. Vajzë monopate.
2. si em. f. e m. Dikush që e ka mesin e hollë dhe ecën duke u mënjanuar në të dy krahët.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë