Fjalori

Rezultate në përkufizime për “mesfushor”

Mëso si ta përdorësh
<<< Kthehu te kërkimi kryesor në fjalor

GJYSMËTHELLËSI

GJYSMËTHELLËSÍ,~A f., sport. Pozicionim ose lëvizje në fushë, ku lojtari nuk pozicionohet as mesfushor, as sulmues, por diku në mes. Vepron në gjysmëthellësi. Mesfushori u fut në gjysmëthellësi për të marrë topin.

MESFUSHOR

MESFUSHÓR,~E mb. Që luan në mesin e fushës në futboll. Lojtar mesfushor.

MESFUSHOR

MESFUSHÓR,~I m. sh. ~Ë, ~ËT Lojtar që luan në mesin e fushës në lojën e futbollit. Është mesfushor që ka dalë dy herë kampion.

SHTATË

SHTÁT/Ë,~A f. sh. ~A, ~AT 1. Shifra shtatë (7). Shkruaj shtatën. Shtatës shtoji dy. Shumëzo dy shtata. Heq katër nga shtata.

2. Masa, sasia ose koha që shënohet me këtë shifër. - Sa vjeç je? – I mbusha shtatë. - Sa mollë të duhen? – Më jep shtatë. Takohemi në shtatë, jo më vonë.

3. Dikush a diçka që shënohet me shifrën shtatë. Shtata spathi (në letra). Shtata ishte mesfushor mirë (sport.). Hyn si shtata spathi (fig.) njeri që përfshihet vend e pa vend.

4. Nota shtatë (7) në sistemin shkollor të vlerësimit të dijeve me dhjetë, që tregon një nivel mesatar të arritjeve. U vlerësua me notën shtatë. I doli mesatarja shtatë. Ishte mbushur me shtata.

TËRHEQUR

TËRHÉQUR (i, e) mb. 1. Që është i larguar nga vendi ose pozicioni fillestar; që është zhvendosur (për objekte, gjëra ose pjesë të një objekti); që është hequr, është lëvizur ose është tërhequr mbrapsht. Karrigia ishte pak e tërhequr nga tavolina.
2. Që është i rezervuar, që nuk tregon shumë emocione ose mendime për të tjerët. Ai është një djalë i tërhequr dhe rrallë flet. Rri i tërhequr rri mënjanë, rri i mënjanuar, nuk përzihet.
3. Që është i larguar apo që nuk merr më pjesë në një situatë ose veprimtari. Njeri i tërhequr nga jeta politike që nuk është më aktiv. Futbollist i tërhequr nga fusha e lojës (sport.) që nuk luan më futboll. Mesfushor i tërhequr në mbrojtje (sport.)
4. ek. Që janë marrë nga depozita bankare. Para të tërhequra nga banka.
5. usht. Që është i zhvendosur, i zmbrapsur. Trupa të tërhequra nga fusha e luftës.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë