Fjalori

Rezultate në përkufizime për “merkur”

Mëso si ta përdorësh
<<< Kthehu te kërkimi kryesor në fjalor

ANGJËRDHI

ANGJËRDHÍ,~A f., krahin., kim. 1. Zhivë, merkur (simboli Hg).
2. fig. Ai që është i shkathët.
3. si mb. Sipas kuptimit 2 të mbiemrit. Është angjërdhi. Çun angjërdhi.
✱Sin.: i shpejtë, i gjallë, i zhdërvjellët, i shpërdhitë, i lëvizshëm, energjik, dinamik.

ENGJËRDHI

ENGJËRDHÍ,~A f., bised. Zhivë, merkur. Mbush me engjërdhi.

HIDRAGJIR

HIDRAGJÍR,~I m., vjet., kim. Zhivë, merkur.

MERKUR

MERKÚR,~I m., kim. Metal i lëngët në temperaturë të zakonshme, me ngjyrë të bardhë si të argjendit dhe me shkëlqim të fortë, që përdoret në mjekësi, në industri etj.; zhivë (simboli Hg). Oksidi i merkurit. Kripërat e merkurit. Llambë me merkur. Shfrytëzoj vetinë e zgjerimit të rregullt të merkurit gjatë temperaturës.

TERMOMETËR

TERMOMÉT/ËR,~RI m. sh. ~RA, ~RAT Vegël që shërben për të matur temperaturën, përgjithësisht në saje të bymimit të një lëngu (merkur) a gazi (helium); nxehtësimatës. Termometër me merkur (me alkool, me helium). Termometër digjital. Termometër muri. U thye termometri. Termometri në verë shënoi 40° C. Sa tregon termometri? Vë termometrin. Mat me termometër. Termometër mjekësor termometër që shërben për të matur temperaturën e brendshme të trupit. Termometri ngrihet (ulet) temperatura rritet (ulet).

TRYSNIMATËS

TRYSNIMÁTËS,~I m. sh. ~, ~IT fiz. Aparat që shërben për të matur trysninë e një lëngu a gazi në një enë të mbyllur; manometër. Trysnimatës vaji. Trysnimatësi i gomës. Trysnimatës me merkur (me jonizim, me membranë, me sustë).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë