Fjalori

Rezultate në përkufizime për “meremetim”

Mëso si ta përdorësh
<<< Kthehu te kërkimi kryesor në fjalor

KARROOFIÇINË

KARROOFIÇÍN/Ë,~A f. sh. ~A, ~AT tek. Karro a automjet që shërben edhe si ofiçinë për ndreqje, riparim a meremetim makinash, biçikletash etj.; ofiçinë a servis lëvizës. Punoj me karroofiçinë.

MBALLOMË

MBALLÓM/Ë,~A f. sh. ~A, ~AT bised. 1. Arnë (zakonisht në këpucë). Këpucë me mballoma. Pantallona me mballoma. Kamerdare gome plot me mballoma. I vuri një mballomë. E ndreqi (e rregulloi) me ca mballoma.
2. Ndreqje që i bëhet një ndërtese vende-vende sa për të shtyrë ca kohë, meremetim i shpejtë dhe jo cilësor, rregullim i përkohshëm. Meremetoj me mballoma një pallat të shkatërruar. I vë mballoma çatisë.
3. fig., keq. Mbulim a rregullim i një të mete a një zbrazëtie në një punë sa për të kaluar radhën; arnë. Punë me mballoma. Nga fundi shtova një frazë, krejt si mballomë. Reforma zgjedhore nuk ka nevojë për mballoma.

MEREMET

MEREMÉT,~I m. sh. ~E, ~ET 1. Rregullim a ndreqje që i bëhet një objekti të ndërtuar a hapësire brenda një godine. Muret e kullës e hanin zjarrin sepse shtëpia ishte vetëm mure e kulm, e pabërë meremet. Qe një apartament i pabërë meremet. Lufta nuk të bën meremet. Bëj meremet arrij ta bëj apo ta kem diçka.
2. Riparim i vogël që i bëhet një ndërtese, një objekti etj.; meremetim. Një meremet i vogël mund të vërë në funksionim rrugën e vjetër. Ky meremet kushtoi mijëra euro. Bëri ca meremete në shtëpi. Bënin meremete artizanale.
3. fig. Shpërblim, kompensim; kthim me të njëjtën monedhë, shpagim. I jap një meremet të vogël. Mbasi të dua, bëj meremet edhe ti.
✱Sin.: ndreqje, rregullim, riparim, meremetim, ujdisje, goditjeII, shpërblim, kompensim, shpagim.

NDREQJE

NDRÉQJ/E,~A f. sh. ~E, ~ET 1. vet. nj. Veprimi kur ndreq dikë a diçka ose kur ndreqem; kund. prishje. Ndreqja e rrugëve. Ndreqja e veglave (e këpucëve). Ndreqja e mosmarrëveshjeve. Ndreqje gabimesh. Ndreqja e të metave. Mënyra e ndreqjes.
2. Ndryshimi që i është bërë diçkaje për ta përmirësuar, për t’i hequr gabimet e të metat; shenja që tregon gabimet në një faqe të shkruar me dorë a me shtyp. Ndreqjet me laps (me penë, me bojë). Ndreqjet në fund të librit. Bëj ndreqjet e duhura.
✱Sin.: rregullim, meremetim, riparim, korrigjim, korrektim, veshje, zbukurim, ujdi, ujdisje, qortim, korrekturë, ribërje, mënjanim, zhdukje, përmirësim, pajtim, zgjidhje, stolisje, ndryshim, kthjellim.

RREGULLIM

RREGULLÍM,~I m. sh. ~E, ~ET Veprimi kur rregulloj diçka apo kur rregullohem; kund. çrregullim. Rregullimi i shtëpisë. Rregullimi i biçikletës. Rregullimi i rrugëve. Merret me arnime e rregullime. Rregullimi i punëve. Rregullimi i çmimeve. Rregullim ligjor.
✱Sin.: ndreqje, ujdisje, meremetim.

SHKARPIM

SHKARPÍM,~I m. sh. ~E, ~ET Veprimi kur ndreqim a rregullojmë këpucët. Shkarpimi i këpucëve. Procesi i shkarpimit zgjat pak. Ustai i shkarpimit.
✱Sin.: rregullim, meremetim, riparim, goditje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë