Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
FYTYRËFËLLÍQUR mb. 1. Që ka fytyrë të fëlliqur, të ndyrë. Mashkull fytyrëfëlliqur.
2. I ulët; i poshtër. Mercenar fytyrëfëlliqur.
MAMLÚK,~U m. sh. ~Ë, ~ËT Luftëtar mercenar shumë i fortë, me lëkurë të bardhë, pjesë e një trupe ushtarake elitë në shërbim të sulltanit të Egjiptit, e përbërë fillimisht prej skllevërve nga Turqia, por që më vonë mori pushtetin në vend nga 1250 deri në 1517 dhe mbeti e fuqishme deri në 1811. Mblodhi mamlukët në gosti. Mamlukët i dedikoheshin vetëm luftës.
MERCENÁR,~I m. sh. ~Ë, ~ËT 1. Ushtar me pagesë ose luftëtar i paguar për t’u angazhuar në një konflikt ushtarak, por jo si pjesë e ushtrisë zyrtare të vendit. Shërbente si mercenar. Marshonte me mercenarët e tij në veri.
2. Ushtar profesionist i punësuar që të shërbejë në një ushtri të huaj. Trupa (ushtri) mercenarësh të huaj. Kryente shërbime të ndryshme luftarake si mercenar në një ushtri të huaj.
3. fig. Ai që shërben ose që punon diku vetëm për para ose për përfitime materiale.
MERCENARÍZ/ËM,~MI m., libr. 1. Të qenët mercenar; veprimi i mercenarit; shërbimi si mercenar. Zhdukja e mercenarizmit. Rronin me mercenarizëm.
2. fig. Të pasurit e një fryme a të një karakteri të tillë që punon vetëm për përfitime materiale. Mercenarizmi politik. Qeverisja nuk duhet të degjenerojë në mercenarizëm.
PAZVÁN,~I m. sh. ~Ë, ~ËT 1. vjet. Ai që ruante natën pazarin dhe që vihej e paguhej nga tregtarët e nga dyqanxhinjtë. Punonte pazvan. Ishte pazvan. Sillet andej-këtej si pazvan.
2. keq., përb. Ai që, për para, i shërben dikujt a e ruan atë si qen besnik; i shitur.
3. si mb. I shitur.
✱Sin.: rojë, i shitur, mercenar.
RROGËTÁR,~I m. sh. ~Ë, ~ËT 1. Nëpunës me rrogë të caktuar. Ata janë rrogëtarë. Shpërblim për rrogëtarët.
2. Ai që punon me kontratë me rrogë në një familje të pasur, shërbyes; bari me rrogë. Shërbyes me rrogë.
3. bised. edhe mospërf. Ushtar që paguhet me rrogë; mercenar. U formua një ushtri me rrogëtarë.
4. bised. Ai që i shërben dikujt si vegël për të nxjerrë përfitime, shërbëtor. Rrogëtar i regjimit. Rrogëtar i pushtuesve.
✱Sin.: shegert, çirak, shkarth, hyzmeqar.
SEJMÉN,~I m. sh. ~Ë, ~ËT 1. vjet. Ai që i vente prapa një beu a një çifligari për t'i shërbyer si rojë dhe për të zbatuar urdhrat e dëshirat e tij. Sejmenët e beut. Mbante gjithmonë disa sejmenë me vete.
2. fig., përb. Ai që i shërben verbërisht dhe si mercenar një më të fuqishmi. Ishin bërë sejmenë të pushtuesit.
SHÍTUR (i, e) mb. 1. Që është shitur, që i është dhënë dikujt në këmbim të një shume të hollash; kund. i pashitur. Pronë e shitur. Mallra të shitura.
2. Që kërkohet shumë. Libër i shitur. Produkti më i shitur. Makinat më të shitura. Autori më i shitur në panair. Modeli më i shitur i këpucëve.
3. përb. Që është vënë në shërbim të dikujt e punon për interesat e tij kundrejt një shpërblimi. Burra të shitur. Politikan i shitur.
✱Sin.: mercenar, pazvan, spiun, tradhtar.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë