Fjalori

Rezultate në përkufizime për “merakosje”

Mëso si ta përdorësh
<<< Kthehu te kërkimi kryesor në fjalor

BRENGOSJE

BRENGÓSJ/E,~A f. sh. ~E, ~ET 1. Rënie në gjendje shpirtërore të shqetësuar e të rëndë; mërzitje nga vuajtjet a nga malli për dikë etj.; vuajtje shpirtërore. Brengosje e madhe. Ka shkaktuar brengosje. Ka shprehur brengosjen e tij. Nuk ka vend (arsye) për brengosje. E sheh me brengosje.
2. Gjendja kur brengosim dikë a kur brengosemi; hidhërim, trishtim, pikëllim. Ra në brengosje.
3. Shqetësim, sëkëlldisje. Kishte një brengosje të madhe për djalin ushtar.
✱Sin.: hidhërim, trishtim, pikëllim, plagosje, leqendisje, sëndisje, merakosje, shqetësim, sëkëlldisje.

FRIKËSIM

FRIKËSÍM,~I m. sh. ~E, ~ET 1. Veprimi kur frikësojmë a kur frikësohemi; trembje. S’e kishte harruar frikësimin që i bëri shoku.
2. Mjet a mënyrë që përdor dikush për të frikësuar dikë; kërcënim. Nuk u trembën nga frikësimet.
✱Sin.: trembje, tutje, druajtje, merakosje.

LEQENDISJE

LEQENDÍSJ/E,~A f. sh. ~E, ~ET bised. 1. Veprimi kur leqendis dikë ose kur leqendisem.
2. Gjendja kur dikush dobësohet shumë, kur shkrehet nga trupi për shkak të ndonjë sëmundjeje ose stresi të madh. Sëmundja e gjatë e bëri të ndiente një leqendisje të thellë.
✱Sin.: dobësi, dobësim, rraskapitje, lodhje, shkrehje, leqendi, hidhërim, tronditje, brengosje, merakosje.

MERAKOSJE

MERAKÓSJ/E,~A f. sh. ~E, ~ET Shqetësim i madh për dikë a për diçka, të bërët merak. Informimi i pamjaftueshëm për sëmundjen shkakton merakosje të panevojshme.
✱Sin.: merak, leqendisje, hidhërim, tronditje, brengosje.

NAKLIM

NAKLÍM,~I m. sh. ~E, ~ET bised. Futje në dyshim, merakosje; dyshim, merak. Naklimi zuri vend në mendjen e tij.

PREOKUPACION

PREOKUPACIÓN,~I m. sh. ~E, ~ET libr. Shqetësim, merakosje.

QEDEROSJE

QEDERÓSJ/E,~A f. sh. ~E, ~ET bised. 1. Veprimi kur qederosim a kur qederosemi; dëmtim. Përmbytjet sollën qederosje të mëdha.
2. fig. Shqetësim; hidhërim. Qederosje pa shkak.
✱Sin.: dëmtim, prishje, humbje, shqetësim, hidhërim, brengosje, sikletososje, merakosje.

SËKËLLDISJE

SËKËLLDÍSJ/E,~A f. 1. bised. Veprimi kur sëkëlldis a sëkëlldisem. Sëkëlldisja e plagës do t’i kalonte. Nuk po e duronte dot sëkëlldisjen e rrobave.
2. fig. Shkaktimi i një hidhërimi a shqetësimi të madh dikujt. Nuk ta kisha borxh këtë sakëlldisje.
✱Sin.: shqetësim, hidhërim, brengosje, mërzitje, merakosje.

VRATHTIM

VRATHTÍM,~I m. sh. ~E, ~ET 1. Veprimi kur vrathtoj a kur vrathtohem. Vrathtim i madh. E zuri një vathtim.
2. Gjendja kur vrathtoj a kur vrathtohem. E kapi vrathtimi. Ia heq vrathtimin.
✱Sin.: merakosje, mërzitje, shqetësim, brengosje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë