Fjalori

Rezultate në përkufizime për “merakli”

Mëso si ta përdorësh
<<< Kthehu te kërkimi kryesor në fjalor

ANDAQ

ANDÁQ,~E mb., krahin. 1. Që është i dhënë shumë pas diçkaje (pas punës, pas shëtitjes, pas kinemasë, pas veshjes, pas muzikës etj.). Djalë andaq. Notues andaq. Futbollist andaq.
2. Që është i qejfit e i haresë, andatar. Grua andaqe. Fëmijë andaq.
✱Sin.: merakli, qejfli, gaztor, zbavitës, argëtues, ahengtar, andatar.

ANDAQ

ANDÁQ,~I m. sh. ~Ë, ~ËT krahin. 1. Ai që është i dhënë shumë pas diçkaje. Andaq futbolli. Andaq noti. Andaq skijimi. Andaq kërcimi. Andaq filmi. Andaq gjuetie.
2. Ai që është i qejfit e i haresë, andatar. Andaq i madh. Andaq i këngës.
✱Sin.: merakli, qejfli, gaztor, zbavitës, argëtues, ahengtar, andatar.

ANDATAR

ANDATÁR,~E mb. Që i shkon pas qejfit, kënaqësisë, argëtimit. Çun andatar. Grua andatare.
✱Sin.: andaq, merakli, qejfli, gaztor, zbavitës, argëtues, ahengtar.

ANDATAR

ANDATÁR,~I m. sh. ~Ë, ~ËT Ai që është i qejfit, i haresë, andaq. Andatar gaztor. Kitarës i binte andatari.
✱Sin.: andaq, merakli, qejfli, gaztor, zbavitës, argëtues, ahengtar.

MERAKLI

MERAKLÍ,~E mb., bised. 1. Që ka merak për ta bërë çdo gjë në rregull e sa më mirë, që e bën punën me kujdes të madh e me përgjegjësi. Mjeshtër merakli. Amvisë meraklie.
2. Që është i dhënë shumë pas diçkaje, që i pëlqen shumë të merret me diçka. Kopshtar (lulishtar, fermer) merakli. Është merakli pas muzikës (pas sportit, pas librave, pas kafesë).
3. Që bie shpejt në dashuri, që e zë meraku menjëherë. Djalë (burrë) merakli.
4. Që ndien shqetësim të madh për një njeri të afërm a të dashur; që shqetësohet shumë a që e ha meraku për diçka. Prind merakli (për fëmijët).
5. Që ka dyshim, frikë a pasiguri përpara diçkaje të panjohur, të dëmshme, të rrezikshme, të papastër etj.; që ruhet shumë nga gjëra të tilla. Njeri merakli. Është merakli.
✱Sin.: i dhënë, i përkushtuar, qejfli, sevdalli, i dashuruar, i merakosur, i shqetësuar, dyshues, i pasigurt.

MERAKLI

MERAKLÍ,~U m. sh. ~NJ, ~NJTË Ai që ka merak të madh për dikë a për diçka; ai që është merakli. Është merakli i madh për ushqimin. Punë prej merakliu. Merakliun s’e zë gjumi për punën. Prodhim i një dore merakliu. U ngjante meraklinjve në gjuajtjen e peshkut me kallam.

NURITUR

NURÍTUR (i, e) mb. Që është merakli. Grua e nuritur.

SHIJUES

SHIJÚES,~I m. sh. ~, ~IT Ai që provon diçka për shije dhe që jep mendimin për cilësinë; njohës (i rakisë, i verës etj.), degustues. Shijuesit e verërave.
✱Sin.: degustues, merakli.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë