Fjalori

Rezultate në përkufizime për “mendueshëm”

Mëso si ta përdorësh
<<< Kthehu te kërkimi kryesor në fjalor

BALLËRRUDHUR

BALLËRRÚDHUR ndajf. Duke qenë i zhytur në mendime të thella; mendueshëm. Fliste ballërrudhur e i vrenjtur. - Do dalim? - e pyeti ballërrudhur.

ERËTOJ

ERËT/ÓJ vep., ~ÓVA, ~ÚAR 1. kal. Mbush me erë të mirë një mjedis të mbyllur; i hedh parfum dikujt apo diçkaje. Erëtoi aromën mendueshëm. Erëtoj dhomën. Erëtoj makinën. Erëtonte me hundë përpjetë.
2. jokal., vet. v. III Erëmon; kundërmon. Kuzhina erëtonte.
✱Sin.: parfumoj, erëmon, kundërmoj.

MENDUAR

MENDÚAR (i, e) mb. 1. Që ka rënë në mendime, i kredhur në mendime; që shpreh gjendjen e një njeriu të zhytur në mendime. Njeri i menduar. Me fytyrë të menduar. Rri (ecën) i menduar. Ishte shumë i menduar.
2. Që është menduar dhe është studiuar mirë që më parë, që është shoshitur si duhet nga të gjitha anët; i peshuar, i matur. Punë (vepër) e menduar. Fjalë e menduar. Vendim i menduar.
✱Sin.: i mendueshëm, i përqendruar, mendar, ballërrudhur, i matur, i peshuar, i mbështetur, i studiuar, i arsyetuar.

MENDUAR

MENDÚAR ndajf. Duke menduar, si i zhytur në mendime, mendueshëm. Rrinte (ecte) menduar.

MENDUESHËM

MENDÚESH/ËM (i), ~ME (e) mb. 1. I menduar. Njeri i mendueshëm. Vështrim i mendueshëm. Me sy të mendueshëm.
2. Që mund të mendohet; i pritshëm. Sanksionimi më i mendueshëm.

MENDUESHËM

MENDÚESHËM ndajf. Duke u menduar; i përhumbur në mendime. Hante mendueshëm. Ia nguli sytë mendueshëm. Vështronte flokët e dëborës mendueshëm. Mendueshëm theu heshtjen.

PAMENDUESHËM

PAMENDÚESH/ËM (i), ~ME (e) mb. Që nuk mund të mendohet; kund. i mendueshëm. Opsion i pamendueshëm (dipl.).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë